Міхаіл Мікалаевіч Кузняцоў

Міхаіл Мікалаевіч Кузняцоў
Дата нараджэння	27 ліпеня 1940(1940-07-27) (82 гады)
Месца нараджэння	Асіповічы, Асіповіцкі раён, Магілёўская вобласць, БССР, СССР
Грамадзянства	СССР  Расія
Род дзейнасці	адвакат
Навуковая сфера	міжнароднае права, крымінальнае права, банкаўскае права[d], карпаратыўнае права[d], рэйдарства[d] і інтэлектуальная ўласнасць[d]
Месца працы	Маскоўскі дзяржаўны інстытут міжнародных адносін Расійская акадэмія дзяржаўнай службы Расійскі ўніверсітэт дружбы народаў
Навуковая ступень	доктар юрыдычных навук
Навуковае званне	прафесар
Альма-матар	Маскоўскі дзяржаўны інстытут міжнародных адносін (1966) Тульскае сувораўскае ваеннае вучылішча[d] (1960)
Узнагароды

Міхаіл Мікалаевіч Кузняцоў (нар. 25 ліпеня 1940, Асіповічы, Магілёўская вобласць) — вучоны, доктар юрыдычных навук, прафесар.

Біяграфія

Нарадзіўся ў сям’і афіцэра Чырвонай Арміі. З 1952 года да 1960 года вучыўся ў Тульскім сувораўскім ваенным вучылішчы, якое скончыў з залатым медалём. У 1960—1966 гадах вучыўся ў Маскоўскім дзяржаўным інстытуце міжнародных адносін на факультэце міжнародных эканамічных зносін. У 1966—1969 гадах — у аспірантуры МДІМА па кафедры міжнароднага права.

Пасля абароны кандыдацкай дысертацыі з 1969 года да 1971 года працаваў выкладчыкам кафедры міжнароднага права МДІМА, з 1971 года да 1972 года працаваў памочнікам Генеральнага сакратара Міжпарламенцкага саюза (г. Жэнева, Швейцарыя), з 1973 года да 1975 года працаваў намеснікам начальніка аддзела сувязей з замежнымі арганізацыямі Усесаюзнага агентства па аўтарскіх правах, з 1975 года да 1992 года быў старшым выкладчыкам, дацентам, прафесарам кафедры грамадзянскага і працоўнага права Расійскага ўніверсітэта дружбы народаў. У 1989 годзе абараніў доктарскую дысертацыю па юрыдычных навуках. З 1992 года працягвае працаваць прафесарам Расійскага ўніверсітэта дружбы народаў па сумяшчальніцтве.

З 1999 года з’яўляўся юрыдычным кансультантам экс-прэзідэнта Югаславіі Слабадана Мілошавіча, губернатара Яраслаўскай вобласці А. І. Лісіцына, Прэзідэнта Рэспублікі Бурація Л. Патапава, Прэзідэнта Рэспублікі Горны Алтай М. І. Лапшына.

Аўтар больш чым 50 навуковых кніг і артыкулаў.