Наўмбургскі сабор

Славутасць
Наўмбургскі сабор
ням.: Naumburger Dom
51°09′17″ пн. ш. 11°48′14″ у. д.
Краіна	Германія
Месцазнаходжанне	Наўмбург
Канфесія	лютэранства
Епархія	Наўмбург-Цайцкая дыяцэзія[d]
Благачынне	Евангелічная царква ў Цэнтральнай Германіі[d]
Архітэктурны стыль	раманскі стыль і гатычная архітэктура
Дата заснавання	XI стагоддзе
Матэрыял	белы камень[d]
Сайт	naumburger-dom.de
Медыяфайлы на Вікісховішчы

Наўмбургскі сабор святых апосталаў Пятра і Паўла (ням.: Naumburger Dom) — былы кафедральны сабор біскупства Наўмбург (скасавана ў 1562 годзе), размешчаны ў нямецкім горадзе Наўмбургу на поўдні федэральнай зямлі Саксонія-Ангальт і з’яўляецца галоўнай славутасцю прыроднага парку. З 2018 года ўваходзіць у Спіс сусветнай спадчыны чалавецтва.

Уяўляе сабой збудаванне пераходнага стылю ад раманскага да гатычнага. Мае незвычайны план: трохнефная базіліка з двума трансептамі, двума алтарамі (заходнім і ўсходнім), двума хорамі і чатырма вежамі. Усходняя частка сабора пабудавана ў пачатку XIII стагоддзя. Заходняя завершана стагоддзем пазней. Сабор у Наўмбургу знакаміты першым чынам працай так званай наўмбургскай арцелі скульптараў (імя кіроўнага майстра застаецца невядомым). Арцель майстроў з Наўмбурга працягнула дасягненні майстроў Бамберга, але надала познераманскай скульптуры новыя, больш вольныя рысы. Працы гэтай арцелі прыпісваюць скульптурныя ансамблі ў Майнцы, самім Наўмбургу і ў Майсене.