Отакар Яраш

Отакар Яраш
чэшск.: Otakar Jaroš
Дата нараджэння	19 ліпеня (1 жніўня) 1912(1912-08-01)
Месца нараджэння	горад Лоўні, Аўстра-Венгрыя
Дата смерці	8 сакавіка 1943(1943-03-08) (30 гадоў)
Месца смерці	сяло Сакалова, Харкаўская вобласць
Прыналежнасць	Чэхаславакія
Гады службы	1934—1943
Званне	надпаручнік
Бітвы/войны	Вялікая Айчынная вайна
Узнагароды і прэміі
Отакар Яраш на Вікісховішчы

Отакар Я́раш (чэшск.: Otakar Jaroš; 19 ліпеня (1 жніўня) 1912 — 8 сакавіка 1943) — чэхаславацкі афіцэр, удзельнік Вялікай Айчыннай вайны, Герой Савецкага Саюза (1943).

Біяграфія

Отакар Яраш нарадзіўся ў горадзе Лоўні (зараз ва Усцецкім краі Чэхіі). Вучыўся ў электратэхнічным тэхнікуме ў Празе. У 1938 годзе скончыў вышэйшае ваеннае вучылішча ў горадзе Граніцэ (Паўночная Маравія). Пасля акупацыі чэшскіх зямель нямецкімі войскамі эміграваў у 1939 г. у Польшчу, затым у СССР. З 1942 года камандзір роты сфарміраванага ў горадзе Бузулук (Арэнбургская вобласць) 1-га асобнага чэхаславацкага батальёна. Са студзеня 1943 г. на Варонежскім фронце.

1-я рота 1-га асобнага чэхаславацкага батальёна ў складзе 25-й гвардзейскай стралковай дывізіі вызначылася ў баях у ваколіцах сяла Сакалова (Харкаўская вобласць Украіны) 8 сакавіка 1943 г. Отакар Яраш загінуў у гэтым баі. Пахаваны на брацкіх могілках у сяле Сакалова.

Отакару Ярашу пасмяротна прысвоена воінскае званне капітан. Указам Прэзідыума ВС СССР ад 17 красавіка 1943 г. капітану Отакару Ярашу прысвоена званне Героя Савецкага Саюза (пасмяротна).

Узнагароды

• Медаль «Залатая Зорка»
• Ордэн Леніна
• Ордэн Залатога льва «За перамогу»

Памяць

• Імем Героя названы вуліцы ў Бузулуку, Карлавых Варах, Палтаве, Харкаве і школа ў сяле Сакалова.
• Помнік у горадзе Мельнік (Чэхія)

Літаратура

• Беларуская энцыклапедыя: У 18 т. Т.18. Кн.1: Дадатак: Шчытнікі — ЯЯ / Рэдкал.: Г. П. Пашкоў і інш — Мн.: БелЭн, 2004. — Т. 18. — С. 298. — 472 с. — 10 000 экз. — ISBN 985-11-0295-4 (Т. 18. Кн. 1).

Спасылкі

Отакар Яраш на сайце «Героі краіны»

• Ярош Отакар // Вялікая савецкая энцыклапедыя (руск.)