Павел Ягмін (1747—1808)

З пляцоўкі Вікіпедыя
Павел Ягмін
POL COA Pelikan.svg
Герб «Пелікан»

харунжы кобрынскі[d]
з 14 мая 1792
маршалак земскі кобрынскі[d]
з 22 лютага 1794

Нараджэнне 25 сакавіка 1747(1747-03-25) ці 1747
Смерць не пазней за 1813
Род Ягміны[d]
Бацька Казімір Мікалай Ягмін[d]
Чын

Павел Ягмін (25 сакавіка 1747[1] — да 1813 года) — ураднік Вялікага Княства Літоўскага.

Біяграфія[правіць | правіць зыходнік]

Паходзіў са шляхецкага роду Ягмінаў герба «Пелікан».

У 1785—1795 быў віцэ-адміністратарам каралеўскіх маёнткаў Брэсцкай эканоміі. Адданы прыхільнік польскага караля часоў Чатырохгадовага сейма: наглядаў за дзейнасцю сейміка Берасцейскага павета. У 1792 годзе ўдзельнічаў у вайне супраць Расійскай імперыі[2].

Камісар цывільна-вайсковы кобрынскі, 17 лютага 1792 года выбраны праз акламацыю, 14 мая прызначаны (намінаваны) харунжым кобрынскім, а 22 лютага 1794 года атрымаў прызначэнне на больш высокі урад кобрынскага маршалка[1].

У 1794 годзе па загаду караля прыняў удзел у паўстанні на чале стральцоў Брэсцкай эканоміі. Быў сябрам Брэсцкай парадкавай камісіі і суддзёй па крымінальных справах[2].

Пасля падзелаў Рэчы Паспалітай яго ацанілі і рускія, ён быў прызначаны стацкім саветнікам і атрымаў некалькі высокіх узнагарод. Гэта дазволіла яму значна павялічыць свой стан[3] і купіць у генерала Румянцава ягоныя землі ў Брэсцкім, Кобрынскім і Пружанскім паветах[2], у тым ліку маёнткі Пружаны, Вістычы і Дывін[3].

Тэстамент складзены 11 красавіка 1808 года. Памёр не пазней 1813 года[1].

Сям’я[правіць | правіць зыходнік]

Памёр бяздзетным, па тэстаменце яго маёнткі адышлі да сыноў брата Каэтана (1758—1813) — Паўла, Станіслава і Фелікса. Малодшаму Феліксу дасталася, відаць, менш за іншых, таму што ён пачаў вайсковую кар’еру[4].


Зноскі

  1. 1,0 1,1 1,2 Urzędnicy Wielkiego Księstwa Litewskiego: spisy: w X t. T. VIII : Ziemia brzeska i województwo brzeskie XIV—XVIII wiek / IH PAN; red. A. Rachuba, oprac. H. Lulewicz, T. Jaszczołt, A. Radaman, A. Rachuba, P.P. Romaniuk, A. Macuk, A. Danilczyk, A. Haratym. Warszawa: IH PAN, 2020. 405 s.
  2. 2,0 2,1 2,2 Швед, В. В. Ягмін Павел Каэтанавіч // Масоны і ложы на землях Беларусі (канец XVIII — першая чвэрць XIX ст.) : біябібліягр. слоўн.. — Гродна: ГрДУ, 2007. — 275 с. — ISBN 978-985-417-866-0.
    У крыніцы зблытаны асобы дзядзькі і пляменніка, якія мелі аднолькавае імя.
  3. 3,0 3,1 Wistycze
  4. «СВОЙ СРЕДИ ЧУЖИХ, ЧУЖОЙ СРЕДИ СВОИХ» был предводитель дворянства Брестского уезда Павел Антоний Феликс Ягмин