Паўлу Бенту

Паўлу Бенту
Агульная інфармацыя
Нарадзіўся	20 чэрвеня 1969(1969-06-20) (53 гады) Лісабон, акруга Лісабон, Партугалія
Грамадзянства	Партугалія
Рост	175 см
Пазіцыя	паўабаронца
Клубная кар’ера
1988—1989 CF Benfica[d] 20 (2) 1989—1991 Эштрэла Амадора[d] 1989—1991 Эштрэла Амадора[d] 37 (0) 1991—1994 Віторыя Гімарайнш[d] 95 (13) 1994—1996 Бенфіка 49 (2) 1996—2000 Рэал Аўеда 136 (4) 2000—2004 Спортынг 92 (2) Clube Oriental de Lisboa[d]
Медыяфайлы на Вікісховішчы

Па́ўлу Жо́ржэ Го́міш Бе́нту (парт.: Paulo Jorge Gomes Bento, нар 20 чэрвеня 1969, Лісабон) — партугальскі футбольны трэнер, вядомы перш за ўсё працай на чале нацыянальнай зборнай Партугаліі.

У мінулым — вядомы футбаліст, паўабаронца, чэмпіён Партугаліі, трохразовы ўладальнік Кубку Партугаліі. Як трэнер — двухразовы ўладальнік Кубку Партугаліі.

Клубная кар’ера

Выхаванец футбольнай школы клуба «Бенфіка». Дарослую футбольную кар’еру пачаў у 1988 годзе ў асноўнай камандзе таго ж клуба.

Пастаянную гульнявую практыку ў дарослым футболе пачаў атрымліваць у 1989 годзе, перайшоўшы ў каманду "Эштрэла (Амадора). У складзе «Эштрэлы» заваяваў свой першы трафей, Кубак Партугаліі розыгрышу 1989-90 гадоў.

У 1991 годзе далучыўся да каманды «Віторыя (Гімарайнш)», колеры якой абараняў на працягу трох сезонаў. У 1994 годзе вярнуўся ў свой першы клуб, «Бенфіку» у асноўнай камандзе якога правёў наступныя два сезоны, выйграўшы свой другі Кубак Партугаліі.

У 1996 перабраўся ў Іспанію, дзе на працягу чатырох сезонаў гуляў за каманду «Рэал Аўеда».

У 2000 годзе дасведчаны паўабаронца вярнуўся да Лісабон, на гэты раз далучыўшыся да складу мясцовага «Спортынга». Адыграў за гэтую каманду чатыры сезоны, на працягу якіх яшчэ аднойчы выйграў Кубак Партугаліі, а ў сезоне 2001-02 нарэшце атрымаў тутул чэмпіёна краіны. Завяршыў прафесійную кар’еру футбаліста выступамі за каманду «Спортынга» ў 2004 годзе.

Выступленні за зборную

У 1992 годзе дэбютаваў у афіцыйных матчах у складзе нацыянальнай зборнай Партугаліі. На працягу кар’еры ў нацыянальнай камандзе, якая доўжылася 11 гадоў, правёў у форме галоўнай каманды краіны 35 матчаў.

У складзе зборнай быў удзельнікам Чэмпіянату Еўропы 2000 ў Бельгіі і Нідэрландах, на якім каманда дабралася да паўфіналу, а таксама Чэмпіянат свету 2002 ў Японіі і Паўднёвай Карэі.

Кар’ера трэнера

Пачаў трэнерскую кар’еру адразу ж па завяршэнні кар’еры гульца, у 2004 годзе, узначаліўшы моладзевую каманду «Спортынга». У 2005 быў прызначаны галоўным трэнерам асноўнай каманды гэтага лісабонскага клуба, якую прывёў да перамог у розыгрышах Кубку Партугаліі ў 2007 і 2008 гадах.

20 верасня 2010 года прызначаны галоўным трэнерам нацыянальнай зборнай Партугаліі. Удала вырашыў пастаўленую перад ім задачу выхаду зборнай у фінальную частку чэмпіянат Еўропы 2012. На самім Еўрапейскім форуме партугальцы прайшлі ў паўфінал, дзе толькі ў пасляматчавых пенальці саступілі будучым пераможцам спаборніцтва, зборнай Іспаніі. За два гады, на чэмпіянаце свету 2014, каманда, якую ўзначальваў Бенту, не здолела пераадолець групавы этап, і пасля турніру трэнер пакінуў нацыянальную каманду.

Пасля двухгадовага перапынку ў трэнерскай працы 11 мая 2016 года быў прызначаны галоўным трэнерам бразільскага «Крузейру», на чале якога правёў толькі 17 гульняў, у якіх каманда атрымала толькі 6 перамог. 25 ліпеня быў звольнены з-за нездавальняючых вынікаў.

11 жніўня 2016 года стаў галоўным трэнерам дзейнага чэмпіёна Грэцыі «Алімпіякоса». Прапрацаваў у Грэцыі толькі да сакавіка 2017, калі каманда пацярпела ў нацыянальным першынстве тры паразы запар. Бенту звольнілі, хоць «Алімпіякас» у той час упэўнена, з сяміачковым адрывам, лідзіраваў у турнірнай табліцы.

У снежні 2017 года быў прызначаны кіраўніком трэнерскага штаба кітайскага «Чунцын Ліфань» аднак ужо летам наступнага года быў звольнены за нездавальняючыя вынікі.

17 жніўня 2018 года прыняў прапанову ўзначаліць зборную Паўднёвай Карэі з задачай вывесці гэтую каманду на Чэмпіянат свету 2022 года.

6 снежня 2022 года пасля паражэння зборнай Паўднёвай Карэі на Чэмпіянаце свету ў Катары Паўлу Бенту абвясціў, што больш не будзе ачольваць каманду, паколькі кантракт разрываецца па пагадненні бакоў.

Тытулы і дасягненні

Як гулец

• Чэмпіён Партугаліі (1):

«Спортынг»: 2001-02

• Уладальнік Кубку Партугаліі (3):

«Эштрэла»: 1989-90

«Бенфіка»: 1995-96

«Спортынг»: 2001-02

• Уладальнік Суперкубка Партугаліі (2):

«Спортынг»: 2000, 2002

Як трэнер

• Уладальнік Кубку Партугаліі (2):

«Спортынг»: 2006-07, 2007-08

• Уладальнік Суперкубка Партугаліі (2):

«Спортынг»: 2007, 2008

• Чэмпіён Грэцыі (1):

«Алімпіякос»: 2016-17

• Пераможца Кубка Усходняй Азіі (1):

Паўднёвая Карэя: 2019

Спасылкі

• Профіль гульца Zerozero
• Статыстыка на ForaDeJogo Архівавана 3 жніўня 2022.
• Профіль гульца BDFutbol