Паўночна-Конкавіцкае падняцце

Паўночна-Конкавіцкае падняцце (ад назвы вёскі Конкавічы ў Петрыкаўскім раёне) — тэктанічная структура ў Петрыкаўскім раёне Гомельскай вобласці, на паўднёвым крыле ўсходняй часткі Петрыкаўскага пахаванага выступу Прыпяцкага прагіну. Выяўлена сейсмаразведкай па падсалявых дэвонскіх адкладах.

Уяўляе сабою шыротна арыентаваны блок памерам 30×5 км, абмежаваны разломамі на поўначы і поўдні і разбіты субмерыдыянальнымі скідамі на 4 блокі, якія ступеньчата апускаюцца на ўсход. Адклады ў іх межах нахілены на поўдзень. Блок намячаецца і па міжсалявых адкладах. Падняцце сфарміравалася ў познефранскі і фаменскі час (позні дэвон) у выніку блокавых пасоўванняў.

Літаратура

• Паўночна-Конкавіцкае падняцце // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.