Порт-Жантыль[2] (фр.: Port-Gentil) — другі па велічыні горад Габона, адміністрацыйны цэнтр правінцыі Агавэ-Марыцім і дэпартамента Бенджэ. Знаходзіцца на крайнім захадзе Габона, на ўзбярэжжы Атлантычнага акіяна, паблізу мыса Лопес. Размешчаны прыкладна за 144 км на паўднёвы захад ад сталіцы краіны, Лібрэвіля, за 80 км на поўдзень ад экватара. Порт-Жантыль — цэнтр нафтагазавай прамысловасці краіны і буйны марскі порт. Названы ў гонар французскага каланіяльнага адміністратара і даследчыка Афрыкі Эміля Жантыля.
