Прыуральскі раён

Прыуральскі раён
Герб Сцяг
Краіна	Расія
Уваходзіць у	Ямала-Ненецкая аўтаномная акруга
Адміністрацыйны цэнтр	Аксарка
Насельніцтва	▼9 860 чал. (2021)
Плошча	64 150 км²
Часавы пояс	YEKT
Афіцыйны сайт
Медыяфайлы на Вікісховішчы

Прыуральскі раён — адміністрацыйна-тэрытарыяльная адзінка (раён) і муніцыпальнае ўтварэнне (муніцыпальная акруга, з 2005 па 2021 гады — муніцыпальны раён) Ямала-Ненецкай аўтаномнай акругі Расіі.

Адміністрацыйны цэнтр — сяло Аксарка.

Геаграфія

Знаходзіцца на паўночным захадзе Ямала-Ненецкай аўтаномнай акругі і Уральскай федэральнай акругі. Раён выцягнуты з паўночнага-паўночнага захаду на паўднёва-паўднёвы ўсход.

Плошча раёна — 64 971,29 км², што складае прыблізна 8,45 % ад агульнай плошчы Ямала-Ненецкай аўтаномнай акругі і 4,44 % плошчы Цюменскай вобласці. Па плошчы Прыуральскі раён буйнейшы за Латвію (64589 км²), але меншы за Літву (65300 км²). Прыуральскі раён з усіх бакоў атачае горад акруговага значэння Лабытнангі (2 анклава — уласна горад і пасёлак Харп), а таксама мяжуе з іншымі адміністрацыйна-тэрытарыяльнымі адзінкамі:

• на ўсходзе — з Ямальскім і Надымскім раёнамі Ямала-Ненецкай аўтаномнай акругі;
• на паўднёвым захадзе — з горадам акруговага значэння Салехардам і Шурышкарскім раёнам Ямала-Ненецкай аўтаномнай акругі;
• на поўдні — з Белаярскім раёнам у складзе суседняй Ханты-Мансійскай аўтаномнай акругі — Югры;
• на паўночным захадзе — з горадам рэспубліканскага значэння Варкутой з падпарадкаванай тэрыторыяй суседняй Рэспублікі Комі і Запалярным раёнам Ненецкай аўтаномнай акругі суседняй Архангельскай вобласці.