Пырнік

Пырнік
Пырнік паўзучы (Elytrigia repens)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Pooideae Трыба:  Triticeae Род:  Пырнік
Міжнародная навуковая назва
Elytrigia Desv.
Сістэматыка на Віківідах Выявы на Вікісховішчы ITIS   500260 NCBI   15492 EOL   108228 GRIN   g:14438 IPNI   18013-1

Пы́рнік (Elytrigia) — род травяністых раслін сямейства метлюжковых.

Апісанне

Шматгадовыя, пераважна карэнішчавыя травы вышынёю 30—150 см. Сцёблы ўзыходныя, унутры полыя. Лісце чаргаванае, пляскатае або ўздоўж згорнутае, вузкалінейнае, шурпатае, шыза-зялёнае ці шараватае. Кветкі дробныя, сабраныя ў агульнае суквецце рыхлы колас. Плод — зярняўка.

Распаўсюджанне

Адрозніваецца каля 30 відаў. Пашыраны ва ўмераным і халодным клімаце. На Беларусі не сустракаецца. Два віды, якія раней уваходзілі ў род і маюць традыцыйныя беларускамоўныя назвы са словам пырнік цяпер уключаюцца ў род пырнічнік (Elymus): пырнік паўзучы (Elymus repens) і пырнік сярэдні (Elymus hispidus), яны трапляюцца на лугах, лясных палянах, узлесках, палях і агародах.

Выкарыстанне

Некаторыя віды культывуюцца як кармавыя расліны, выкарыстоўваюцца ў селекцыі мароза- і холадаўстойлівых пшанічна-пырнікавых гібрыдаў.

Літаратура

• Прохараў В. Пырнік // БЭ ў 18 т. Т. 13. — Мн.: БелЭн, 2001.