Пётр Браніслававіч Грывусевіч

Пётр Браніслававіч Грывусевіч
Пётр Браніслававіч Грывусевіч
Дата нараджэння	18 сакавіка 1935
Месца нараджэння	Пярэградзь, Мядзельскі сельсавет, Мядзельскі раён, Беларусь;
Дата смерці	24 жніўня 2020 (85 гадоў)
Месца смерці	Наваполацк, Віцебская вобласць, Беларусь;
Род дзейнасці	мастак
Жанр	станковы жывапіс[d], графіка і іканапіс
Вучоба	Мінскае мастацкае вучылішча (1966);
Член у	Беларускі саюз мастакоў;

Пётр Браніслававіч Грывусевіч (18 сакавіка 1935, в. Пераградзь, Мядзельскі раён, Мінская вобласць — 24 жніўня 2020, Наваполацк) — беларускі мастак.

Біяграфія

Скончыў Мінскае мастацкае вучылішча (1966). Удзельнік мастацкіх выстаў з 1968 г. За актыўную творчую дзейнасць быў узнагароджаны граматамі Віцебскай абласной арганізацыі Саюза мастакоў БССР, Віцебскага абкама камсамола, аддзела культуры г. Наваполацка. Член Беларускага саюза мастакоў (1996). Жыў у Наваполацку.

Працаваў у станковым жывапісе ў жанрах гістарычнай карціны, пейзажа. Асноўныя творы: палотны «Дарогамі вайны» (1970), «Маці» (1973), «Летняя пара» (1985), «Развітанне з восенню», «Воблакі над Дзвіной» (1989), «Старажытны Полацк» (1986); трыпціх «Полацкая зямля».

Работы захоўваюцца ў прыватных зборах, а таксама ў фондах Музея гісторыі і культуры г. Наваполацка (каля 40 работ), перыядычна экспануюцца на персанальных выставах мастака і іншых тэматычных выставах музея.

Літаратура

Грывусевіч Пётр Браніслававіч // Беларускі саюз мастакоў : 1938—1998 : энцыкл. даведнік / аўт.-склад. Б. А. Крэпак [і інш.]. — Мн. : ВТАА «Кавалер Паблішэрс», 1998. — С. 153. — На беларус. і англ. мовах.