П’ер Кардэн

П’ер Кардэн

Pierre Cardin
Імя пры нараджэнні:	італ.: Pietro Costante Cardin
Род дзейнасці:	мадэльер
Лэйбл:	Pierre Cardin
Дата нараджэння:	7 ліпеня 1922(1922-07-07)
Месца нараджэння:	Sant'Andrea di Barbarana[d], Сан-Б’яджа-дзі-Калальта, правінцыя Трэвіза[d], Венета, Італія
Грамадзянства:	Францыя
Дата смерці:	29 снежня 2020(2020-12-29) (98 гадоў)
Месца смерці:	Нёі-сюр-Сен, дэпартамент О-дэ-Сен, рэгіён Іль-дэ-Франс
Узнагароды і прэміі:

П’ер Кардэн (фр.: Pierre Cardin, італ.: Pietro Cardin; 7 ліпеня 1922, Сан-Б’яджа-дзі-Калальта, Італія — 29 снежня 2020) — французскі мадэльер італьянскага паходжання. Адзін з самых уплывовых у гісторыі высокай моды. Быў першым куцюр’е, які пачаў прадаваць свае сукенкі і парфум па ніжэйшых коштах, зрабіўшы іх больш даступнымі шырокаму колу людзей.

Біяграфічныя звесткі

З 1947 года працаваў у Крысціяна Дыёра, у 1950 годзе заснаваў уласны дом моды. Аддаваў перавагу абстрактнаму, геаметрычнаму дызайну, які часцяком мала адпавядаў паўсядзённым клопатам. Адзін з першапраходцаў стылю унісекс (калекцыя 1958), лічыўся авангардыстам ад моды.

Запатэнтаваў больш за 500 вынаходак, такіх як каляровыя панчохі і высокія боты, міні-сарафаны, гальштукі «ў кветачку», доўгія пінжакі без каўняра, вузкія штаны на гузіках, першапачаткова створаныя для «Бітлз». У 1970 годзе П’ер Кардэн ствараў дызайн для НАСА.

Памёр 29 снежня 2020 года ў Нёі-сюр-Сен.

Узнагароды

• Камандор ордэна Ганаровага легіёна
• Камандор Нацыянальнага ордэна «За заслугі»
• Кавалер ордэна мастацтваў і літаратуры
• Ордэн Францыска Скарыны (2004, Беларусь)

Спасылкі

• На Вікісховішчы ёсць медыяфайлы па тэме П’ер Кардэн
• Афіцыйны сайт «Sculptures Utilitaires»
• Афіцыйны сайт месье П’ера Кардэна