Ракаўскі кангламерат
Ракаўскі кангламерат — геалагічны помнік прыроды рэспубліканскага значэння (з 1988 года). Размешчаны за 1 км на паўночны ўсход ад в.Ракаў Валожынскага раёна Мінскай вобласці, на паўночным адхоне выемкі аўтадарогі М7/E28 Мінск — Ашмяны.
Даўжыня 6,5 м, шырыня 5 м, вышыня 2,2 м, у абводзе 22 м, аб’ём бачнай часткі 37,9 м³, маса каля 100 тон. Утварыўся ў выніку цэментацыі пясчаных, пясчана-жвірова-галечных адкладаў і дробных валуноў пры падняцці падземных вод і напорным уздзеянні ледавіка каля 150 тыс.год назад.
Літаратура[правіць | правіць зыходнік]
- Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).