Вятка (рака)

Вятка
Выток	Верхнякамскае ўзвышша
Даўжыня	1314 км
Расход вады	890 м³/с
Вадазбор	129 000 км²
У ВікіСховішчы ёсць выявы з тэмай: Вятка

Вятка (руск.: Вятка) — рака ў Расіі, самы буйны правы прыток ракі Камы. Даўжыня 1314 км, плошча басейна 129 тыс. км².

Пачынаецца на Верхнякамскім узвышшы на поўначы Удмуртыі, упадае ў Каму ў 17 км ніжэй горада Мамадыш. Для Вяткі характэрныя рэзкія змены кірунку цячэння (з поўначы на паўднёвы захад, а затым на паўднёвы ўсход) і вялікая звілістасць на ўсім працягу. Вятка — тыпова раўнінная рака, бягучая большай часткай у шырокай даліне са спадзістымі схіламі. У нізоўях пашыраныя і звужаныя ўчасткі даліны чаргуюцца праз 1—5 км. Шмат перакатаў.

Жыўленне галоўным чынам снегавое. Сярэдні гадавы расход вады 890 м³/сяк. Замярзае ў першай палове лістапада, ускрываецца ў другой палове красавіка. Найболей буйныя прытокі: справа — Кобра, Летка, Вялікая, Малома, Піжма; злева — Чапца, Быстрыца, Выцця, Кільмезь.

Сплаўная рака. Рэгулярнае суднаходства да горада Кірава (700 км ад вусця). Галоўныя прыстані — Кіраў, Кацельніч, Савецк, Вяцкія Паляны.