Рэдкі Рог

Пасёлак Рэдкі Рог Краіна Беларусь Вобласць Магілёўская Раён Бабруйскі Сельсавет Брожскі Каардынаты 52°56′05″ пн. ш. 29°07′04″ у. д. Насельніцтва 396 чал. (2009) Часавы пояс UTC+3 Тэлефонны код +375 225 Паштовыя індэксы 213834 Аўтамабільны код 6 СААТА 7208808036 Рэдкі Рог на карце Беларусі ±

Рэ́дкі Рог (трансліт.: Redki Roh, руск.: Редкий Рог) — пасёлак у Бабруйскім раёне Магілёўскай вобласці. Уваходзіць у склад Брожскага сельсавета.

Геаграфічнае становішча

Пасёлак знаходзяцца за 24 км на поўдзень ад Бабруйска, за 3 км ад прыпынку «Брожа» на чыгуначнай лініі Бабруйск-Рабкор, пры дарозе Брожа — Засценак Усцярхі. На ўсход ад пасёлка працякае меліярацыйны канал (былая рэчка Ворсічка), далей — забалочаны лясны масіў Вялікі Мох.

Гісторыя

Пасёлак заснаваны ў 1946 годзе ў сувязі з торфараспрацоўкамі і будаўніцтвам торфазаводу «Рэдкі Рог», ад торфазаводу працаваў участак у вёсцы Дзікае. З 1946 года Рэдкі Рог у складзе Бабруйскага раёна Бабруйскай вобласці, з 08.01.1954 года — Магілёўскай вобласці.

У 1986 годзе ў пасёлку працавалі торфазавод, Макаравіцкае лясніцтва, пачатковая школа, аптэка, бальніца, дзіцячы сад-яслі, Дом культуры, бібліятэка, аддзяленні банка і сувязі, сталовая, лазня, камбінат бытавога абслугоўвання насельніцтва, харчовы і прамтаварны магазіны.

Насельніцтва

• 1959 год — 834 жыхары
• 1970 год — 790 жыхароў
• 1986 год — 505 жыхароў, 213 гаспадарак
• 1997 год — 532 жыхары
• 2007 год — 422 жыхары
• 2014 год — 380 жыхароў, 184 гаспадаркі

Планіроўка

Планіроўка пасёлка квартальная. 2 галоўныя вуліцы арыентаваны мерыдыяльна і забудаваны пераважна драўлянымі дамамі сядзібнага тыпу. На скрыжаванні вуліц сфарміраваны грамадскі цэнтр, забудаваны 2-павярховымi мураванымі будынкамі. Гандлёвы цэнтр на вуліцы Савецкай.

Літаратура

• Гарады і вёскі Беларусі. Магілёўская вобласць. Кн. 1. — Мн.: БелЭн, 2008;
• Памяць. Бабруйскі раён. — Мн.: БелЭн, 1998.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх