Свята-Міхайлаўская царква (Аброва)

Праваслаўны храм
Свята-Міхайлаўская царква
52°30′44″ пн. ш. 25°33′46″ у. д.
Краіна	Беларусь
Аграгарадок	Аброва
Канфесія	Беларуская Праваслаўная Царква
Епархія	Пінская і Лунінецкая епархія
Дата пабудовы	1892 год
Стан	дзейнічае,  Гісторыка-культурная каштоўнасць Беларусі, шыфр 113Г000285
Медыяфайлы на Вікісховішчы

Свята-Міхайлаўская царква — праваслаўны храм у Беларусі, на паўночным ускрайку аграгарадка Аброва Івацэвіцкага раёна Брэсцкай вобласці.

Помнік драўлянага народнага дойлідства. Пабудавана ў 1892 годзе на месцы Свята-Крыжаўзвіжанскай царквы 1754—1757 гг. Складаецца з прамавугольнага ў плане зруба з трохграннай апсідай, нізкага бабінца і вежы-званіцы з шатром. Сцены звонку ашаляваны ў вертыкальным напрамку. Малітоўная зала перакрытая корабавым драўляным скляпеннем.

У царкве абразы XVIII стагоддзя, сярод якіх «Спас Вялікі Архіерэй», «Мікола», «Раство Маці Божай», «Успенне» і інш.

Літаратура

• Праваслаўныя храмы на Беларусі: Энцыкл. даведнік / А. М. Кулагін; маст. І. І. Бокі. — 2-е выд. — Мінск: БелЭн, 2001. — 328 с. — ISBN 985-11-0190-7. — С. 7.

Спасылкі

• Свята-Міхайлаўская царква (Аброва) на сайце «Архіварта»