Свята-Міхайлаўская царква (Людзяневічы)

Славутасць
Свята-Міхайлаўская царква
Царква ў 1913 годзе
52°12′39″ пн. ш. 27°41′53″ у. д.
Краіна	Беларусь
Месцазнаходжанне	Людзяневічы
Архітэктурны стыль	беларускае народнае дойлідства і Усходнепалеская школа дойлідства
Дата пабудовы	1755
Медыяфайлы на Вікісховішчы

Царква ў імя святога архангела Міхаіла — колішні праваслаўны храм у в. Людзяневічы Жыткавіцкага раёна. Знаходзілася непадалёк ад вёскі.

Гісторыя

Праект перабудовы. 1912

Пабудавана ў 1755 г. з дрэва на сродкі прыхаджан і вотчыннага ўладальніка маёнтка Яленскага. Упамінаецца ў 1886 г. У 1915 г. Імператарская археалагічная камісія супрацівілася знясенню царквы.

Архітэктура

Твор народнага дойлідства. Была вырашана ў плане працяглым крыжам. Сілуэт фарміравалі 3 светлавыя купальныя барабаны, на франтальным фасадзе ўзвышалася званіца. Унутры апсіду вылучаў 3-ярусны іканастас жоўтай афарбоўкі.

Літаратура

• Царква ў імя святога архангела Міхаіла // Праваслаўныя храмы Беларусі : энцыклапедычны даведнік / А. М. Кулагін; маст.: З. Э. Герасімовіч, У. П. Свентахоўскі. — Мінск: Беларуская Энцыклапедыя, 2007. — С. 526. — 653 с. — 2 000 экз. — ISBN 978-985-11-0389-4.