Свінуха тоўстая

З пляцоўкі Вікіпедыя
Jump to navigation Jump to search
Свінуха тоўстая
Samtfusskrempling.jpg
Навуковая класіфікацыя
Міжнародная навуковая назва

Tapinella atrotomentosa (Batsch) Sutara, 1992

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
NCBI  72122
EOL  195962
MB  360246

Свінуха тоўстая, Благушка (Tapinella atrotomentosa) — від неядомых[1] грыбоў рода Тапінела (Tapinella) сямейства Tapinellaceae. Раней адносіўся да роду Свінуха (Paxillus) сямейства Свінухавыя (Paxillaceae)

Сінонімы[правіць | правіць зыходнік]

Апісанне[правіць | правіць зыходнік]

Пладовае цела грыба — шапка на ножцы. Шапка мае дыяметр 5—18 (30) см, спачатку пукатая, пазней пляската-ўвагнутая, бакавая, з загнутым уніз аксаміцісты краем, буравата-, вохрыста- ці іржава-карычневага колеру. Часам шапка эксцэнтрычная да ножкі ці мае форму языка[2].

Мякаць жоўтая ці бураватая, тоўстая, дастаткова шчыльная, з кіславатым пахам, крыху горкая на смак, на зрэзе цямнее[2].

Пласцінкі сыходныя, частыя, тоўстыя, жаўтаватага ці вохрыста-жоўтага колеру. Каля ножкі пласцінкі ўтвараюць сетку[2].

Ножка грыба вышынёй 5—6 см і 2—3 (да 5) см у дыяметры, крывая, суцэльная, шчыльная, чорна-бурага і карычнева-бурага колеру. Паверхня ножкі лямцава-аксамітавая, пакрытая цёмным ворсам па ўсёй даўжыні[2].

Споры жоўта-карычневыя ці бурыя, гладкія, 5-6 х 3-4 мкм[2][3].

Экалогія і распаўсюджванне[правіць | правіць зыходнік]

Расце на дрэвах, каля пнёў і ствалоў у хваёвых і змешаных лясах. У Беларусі сустракаецца паўсюдна.

Плоданашэнне ў ліпені—кастрычніку. Часта пасце групамі.

Выкарыстанне[правіць | правіць зыходнік]

Свінушка тоўстая — малавядомы ўмоўна ядомы грыб. Ужываецца ў ежу толькі пасля стараннай тэрмічнай апрацоўкі.

У пладовых целах благушкі змяшчаецца атротамянцін — карычневы пігмент з антыбіятычнымі ўласцівасцямі, вытворнае паліпоравой кіслаты, які адрозніваецца прыкметным супрацьпухлінавым дзеяннем[2].

Зноскі

  1. И. А. Дудка, С. П. Вассер. Грибы. Справочник миколога и грибника. Киев, «Наукова думка», 1987
  2. 2,0 2,1 2,2 2,3 2,4 2,5 Лекарственные растения и их применение. Изд. 5-е, перераб. и. доп. «Наука и техника». Мн., 1974
  3. Сергеева М. Н. Грибы. — М.: «Культура и традиции», 2003. — С. 52. — 264 с. — ISBN 5-86444-080-9

Літаратура[правіць | правіць зыходнік]

  • Сержанина Г. И., Змитрович И. И. Макромицеты. Иллюстрированное пособие для биологов / Под ред. Н. А. Дорожкина. — Мн.: Вышэйшая школа, 1978. — С. 69. — 192 с. — 60 000 экз.(руск.) 

Спасылкі[правіць | правіць зыходнік]