Субрагацыя (страхаванне)

З Вікіпедыі, свабоднай энцыклапедыі

Субрагацыя (лац.: Subrogatio — замена) — пераход да страхоўшчыка, які выплаціў страхавое пакрыццё, права патрабаваць кампенсацыю з асобы, адказнай за шкоду, прычыненую страхавальніку ў межах кампенсаванага. Субрагацыяй завецца адзін з прыватных выпадкаў пазадамоўнай замены крэдытора ў абавязацельстве. З аднаго боку, субрагацыю варта адрозніваць ад замены крэдытора ў абавязацельстве паводле дамовы (цэсія, факторынг, індасамент), бо ў адрозненне ад дамоўных формаў замены крэдытора прававая падстава субрагацыя — не ў дамове, а ў законе. Інстытут субрагацыі здабыў шырокае ўвасабленне ў Кодэксе Напалеона.