Сцяг Аргенціны

З Вікіпедыі, свабоднай энцыклапедыі
Аргенціна


Маленькі чорна-белы вексілалагічны сімвал або піктаграма, якае паказвае розныя выкарыстанні сцяга Афіцыйны цырыманіяльны сцяг



Маленькі чорна-белы вексілалагічны сімвал або піктаграма, якае паказвае розныя выкарыстанні сцяга Святочны сцяг
Зацверджаны 25 лютага 1818
27 лютага 1812
Прапорцыя 9:14
Аўтар сцяга Мануэль Бельграна

Сучасны сцяг Аргенціны стаў дзяржаўным у 1812 годзе.

Эскіз сцяга быў прапанаваны Мануэлем Бельграна. Ён складаўся з трох роўных па шырыні гарызантальных палос — крайнія пафарбаваны ў светла-блакітны, цэнтральная — у белы колер. У 1818 годзе ў цэнтры сцяга было змешчана жоўтае «майскае сонца» (ісп.: Sol de Mayo), якое сімвалізуе інкскага бога сонца і названае так у гонар Майскай рэвалюцыі.

Поўная версія сцяга, якая ўключае выяву сонца, называецца «афіцыйным цырыманіяльным сцягам» (ісп.: Bandera Oficial de Ceremonia), сцяг без сонца — «святочным сцягам» (ісп.: Bandera de Ornato). Афіцыйная версія сцяга заўсёды павінна падымацца вышэй за святочную.

Ва ўсіх іншых адносінах абодва варыянты нацыянальнага сцяга лічацца паўнапраўнымі.

Інтэрпрэтацыя значэння[правіць | правіць зыходнік]

Згодна з найбольш распаўсюджанай інтэрпрэтацыяй значэння сцяга, ён увасабляе неба, аблокі і сонца. Тым не менш, існуе некалькі народных паданняў, якія тлумачаць значэнне колераў сцяга па-іншаму. Паводле аднаго з іх, блакітны колер сімвалізуе раку Ла-Плата (Río de la Plata — літаральна «Рака срэбра»), а белы — срэбра (назва «Аргенціна» паходзіць ад лацінскай назвы срэбра, лац.: argentum). Ёсць таксама меркаванне, што расфарбоўка сцяга заснавана на традыцыйных колерах Бурбонаў. Паводле яшчэ аднаго варыянта, блакітны і белы — колеры адзення Панны Марыі.

Штогод 20 чэрвеня ў Аргенціне адзначаецца Дзень сцяга.