Сырнікі

З пляцоўкі Вікіпедыя
Jump to navigation Jump to search
Сырнікі, пададзеныя з варэннем
Сырнікі з разынкамі

Сырнікі (укр.: сирники) — страва ўкраінскай, рускай, беларускай кухняў ў выглядзе аладак, смажаныя аладкі з тварагу, змешанага з мукой (некаторыя кулінары лічаць, што ў сапраўдныя сырнікі не дадаюць муку) і яйкамі. Звычайна сырнікі смажаць на алеі, але па некаторых рэцэптах патрабуецца запякаць іх у духоўцы. Сустракаюцца рэцэпты сырнікаў з рэкамендацыяй запякаць іх на пару.

Асаблівасць рэцэпту — тварог павінен быць старанна аджаты і працёрты (напрыклад праз сіта або ў блендэры). Чым лепш ён аджаты — тым менш патрабуецца мукі для атрымання пластычнага тэсту. У ідэале — мукі зусім ледзь-ледзь. Сырнікі зусім без мукі, тым не менш, паніруюцца і рыхтуюцца ў фрыцюры. Найбольш папулярныя простыя сырнікі і сырнікі з разынкамі, але распаўсюджаныя сырнікі і з іншымі дадаткамі, напрыклад морквай, курагой, яблыкам, грушай, арэхамі, бульбай. У рэдкіх выпадках — зялены лук або кроп.

Да стала сырнікі могуць падавацца на талерцы або ў збанку са згушчаным малаком, смятанай, густым фруктова-ягадным кісялём або варэннем. Несалодкія варыянты сырнікаў таксама могуць падавацца з кетчупам або маянэзам.