Сяргей Ігаравіч Курганскі

З пляцоўкі Вікіпедыя
(Пасля перасылкі з Сяргей Курганскі)
Jump to navigation Jump to search
Футбол
Сяргей Курганскі
Агульная інфармацыя
Поўнае імя Сяргей Ігаравіч Курганскі
Нарадзіўся 15 мая 1986(1986-05-15)[1] (33 гады)
Грамадзянства Flag of Belarus.svg Беларусь
Рост 191 см
Вага 76 кг
Пазіцыя брамнік
Інфармацыя пра клуб
Клуб Беларусь Нёман
Нумар 19
Кар’ера
Клубная кар’ера*
2003 — 2009 Беларусь Нёман (Гродна) 4 (-12)
2007 — 2008 →  Беларусь Савіт (Магілёў) 19 (-32)
2008 →  Беларусь МТЗ-РІПА (Мінск) 5 (-6)
2009 →  Беларусь Белшына (Бабруйск) 13 (-7)
2010 Беларусь Дынама (Брэст) 1 (-4)
2011 Беларусь Партызан (Мінск) 9 (-6)
2012 Беларусь Дняпро (Магілёў) 14 (-9)
2013 Беларусь Слонім 13 (-10)
2014 Беларусь Ліда 21 (-39)
2015 — Беларусь Нёман (Гродна) 85 (-87)

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 14 снежня 2019.


Сяргей Курганскі (нар. 15 мая 1986, Гродна) — беларускі футбаліст, брамнік гродзенскага «Нёмана».

Клубная кар’ера[правіць | правіць зыходнік]

Выхаванец гродзенскай СДЮШАР-6, пачынаў кар’еру ў дублі мясцовага «Нёмана». У 2005 годзе з’яўляўся ў асноўнай камандзе гродзенцаў, але пазней зноў выступаў толькі за дубль. Улетку 2007 года трапіў у арэнду ў «Савіт» (быў там асноўным брамнікам), правёў у гэтым клубе адзін год. Другую палову 2008 правёў у складзе мінскага МТЗ-РІПА, дзе быў другім брамнікам пасля Аляксандры Сулімы. Некаторы час з-за дыскваліфікацыі Сулімы трапляў у стартавы склад мінчан.

Сезон 2009 правёў у «Белшыне», разам з якой выйграў Першую лігу. У 2010 годзе выступаў за брэсцкае «Дынама», дзе гуляў пераважна за дубль, у асноўнай камандзе правёў толькі адзін матч. З 2011 стаў выступаць у клубах Першай лігі, пры гэтым «Партызану» і «Дняпру» дапамагаў вярнуцца ў Вышэйшую лігу. Першую палову 2013 года знаходзіўся без клуба, пасля чаго стаў іграком «Слоніма». У 2014 годзе быў асноўным брамнікам «Ліды».

У сакавіку 2015 года пасля прагляду падпісаў кантракт з «Нёманам»[2]. Пачынаў сезон 2015 у якасці другога брамніка, але неўзабаве выцесніў Уладзіслава Васілючка і заняў месца ў аснове. У студзені 2016 года падоўжыў кантракт з гродзенцамі[3]. У сезоне 2016 ужо быў трывалым першым брамнікам каманды.

Па заканчэнні сезона ў снежні 2016 года Курганскім цікавілася брэсцкае «Дынама», але ён вырашыў застацца ў Гродна на наступны год[4]. Сезон 2017 распачаў у аснове, аднак у маі выбыў з-за траўмы, і пазней стаў саступаць месца ў складзе Уладзіміру Жураву. У лістападзе 2017 года яшчэ на год падоўжыў кантракт з «Нёманам»[5]. Сезон 2018 пачынаў у якасці асноўнага брамніка, аднак у красавіку атрымаў траўму. У жніўні 2018 года вярнуўся ў строй і зноў атрымаў месца ў аснове.

У снежні 2018 года падпісаў пагадненне з гродзенцамі на сезон 2019[6]. Пачынаў сезон асноўным брамнікам, аднак у ліпені атрымаў траўму, пасля аднаўлення ў верасні стаў заставацца на лаўцы запасных. У снежні 2019 года падоўжыў кантракт з «Нёманам» на два гады[7].

Дасягненні[правіць | правіць зыходнік]

Зноскі

  1. ↑ Sergey Kurganski // Transfermarkt — 2000. Праверана 9 кастрычніка 2017.
  2. ↑ Курганский и Фомин заключили контракты с «Неманом», Каборда покинул клуб
  3. ↑ Сергей Курганский продлил контракт с "Неманом"
  4. ↑ Курганский подписал новый контракт с «Неманом»
  5. ↑ Журов и Курганский продолжат защищать ворота "Немана"
  6. ↑ Сергей Курганский поставил подпись под новым контрактом с "Неманом"
  7. ↑ Сергей Курганский продлил контракт с "Неманом"

Спасылкі[правіць | правіць зыходнік]


Нёман Гродна

1 Маліеўскі (б) • 3 Кантарыя • 5 Вягера • 8 Бебей • 11 Жукоўскі (к) • 13 Рассадкін • 14 Мурачоў • 17 Горбач • 18 Забелін • 19 Курганскі (б) • 23 Слабашэвіч • 25 Ляшко • 26 Сакута • 27 Алыкулаў • 28 Стойкавіч • 35 Шышлоў (б) • 46 Лягчылін • 77 Копач • 78 Яблонскі • 87 Яцкевіч • 91 Дудар (б) • 95 Цеслюкевіч • 97 Хвалько •  Бяценя • Трэнер: Ігар Кавалевіч

Узята з "https://be.wikipedia.org/w/index.php?title=Сяргей_Ігаравіч_Курганскі&oldid=3518092"