Сяргей Уладзіміравіч Ражок

Сяргей Ражок
Агульная інфармацыя
Поўнае імя	Сяргей Уладзіміравіч Ражок
Нарадзіўся	25 красавіка 1985(1985-04-25) (34 гады) Рыпкы, Рыпкынскі раён, Чарнігаўская вобласць, УССР, СССР
Грамадзянства	Украіна
Рост	185 см
Вага	80 кг
Пазіцыя	паўабаронца
Інфармацыя пра клуб
Клуб	няма
Кар’ера
Клубная кар’ера*
2000 — 2006	Дынама (Кіеў)	0 (0)
2001 — 2004	→  Дынама-3 (Кіеў)	36 (11)
2002 — 2004	→  Дынама-2 (Кіеў)	57 (2)
2005	→  Таўрыя (Сімферопаль)	1 (0)
2005	→  Закарпацце (Ужгарад)	10 (0)
2006	→  ЦСКА (Кіеў)	32 (4)
2007	Харкаў	7 (0)
2007	ЦСКА (Кіеў)	17 (0)
2008	Дзясна (Чарнігаў)	2 (0)
2008 — 2010	Абалонь (Кіеў)	53 (10)
2010 — 2011	Крыўбас (Крывы Рог)	20 (0)
2011	Чарнаморац (Адэса)	1 (0)
2012 — 2013	Мінск	51 (4)
2014	Зорка (Кіраваград)	14 (0)
2015 — 2016	Белшына (Бабруйск)	24 (8)
2016	Нёман (Гродна)	10 (0)
2017	Віцебск	8 (0)
2017	Гомель	13 (1)
2018	Смалявічы	22 (0)
2019	Межыгір’я (Наві Пэтрыўці)	2 (0)
Нацыянальная зборная**
2000 — 2002	Украіна (да 17)	8 (0)
2003 — 2005	Украіна (да 21)	13 (2)
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 6 кастрычніка 2019. ** Колькасць гульняў і галоў за нацыянальную зборную ў афіцыйных матчах, адкарэктавана станам на 25 верасня 2012.

Сяргей Ражок (нар. 25 красавіка 1985, Рыпкы, Чарнігаўская вобласць) — украінскі футбаліст, паўабаронца.

Кар’ера

Клубная

Выхаванец школы горада Славуціч, у маладым узросце апынуўся ў кіеўскім «Дынама». Пасля гуляў за розныя клубы Украіны, галоўным чынам у Прэм’ер-лізе.

У студзені 2012 года перайшоў у «Мінск», дзе хутка замацаваўся ў аснове. Гуляў пераважна на пазіцыі цэнтральнага паўабаронцы. У снежні 2013 года па заканчэнні кантракта пакінуў мінскі клуб.

У студзені 2013 года вярнуўся на радзіму, папоўніўшы склад кіраваградскай «Зоркі». Пакінуў «Зорку» ў кастрычніку 2014 года.

У лютым 2015 года прыбыў на прагляд у бабруйскую «Белшыну» і ў выніку пачаў у яе складзе сезон 2015. У складзе «Белшыны» замацаваўся на пазіцыі апорнага паўабаронцы, таксама з 8 галамі стаў найлепшым бамбардзірам клуба ў сезоне 2015.

У пачатку 2016 года падоўжыў кантракт з «Белшынай», але з-за траўмы не згуляў ніводнага матча. У ліпені 2016 года, аднавіўшыся ад траўмы, пакінуў бабруйскі клуб і стаў іграком гродзенскага «Нёмана», дзе замацаваўся ў якасці асноўнага апорнага паўабаронцы.

У снежні 2016 года падпісаў кантракт з «Віцебскам». Пачатак сезона 2017 прапусціў, у маі стаў з’яўляцца на полі, аднак замацавацца ў складзе не здолеў. У ліпені 2017 года па пагадненні бакоў пакінуў віцебскі клуб.

У жніўні 2017 года стаў іграком «Гомеля», дзе замацаваўся ў аснове. У снежні 2017 года па заканчэнні кантракта пакінуў «Гомель».

Са студзеня 2018 года знаходзіўся ў складзе дэбютанта беларускай Вышэйшай лігі — клуба «Смалявічы» — і неўзабаве падпісаў з ім кантракт. У сезоне 2018 быў асноўным іграком каманды, у чэрвені не гуляў з-за траўмы. У снежні 2018 года пакінуў каманду.

У першай палове 2019 года выступаў за аматарскі клуб «Межыгір’я» з вёскі Наві Пэтрыўці ў чэмпіянаце Кіеўскай вобласці.

Міжнародная

Гуляў за юнацкую і моладзевую зборныя Украіны. У 2005 у складзе моладзевай зборнай Украіны удзельнічаў у чэмпіянаце свету ў Нідэрландах.

Дасягненні

• Уладальнік Кубка Беларусі: 2013
• У спісе 22 найлепшых футбалістаў чэмпіянату Беларусі: 2015

Спасылкі

• Профіль на афіцыйным сайце «Нёмана» (руск.) 
• Профіль на афіцыйным сайце «Мінска» (руск.) 
• Профіль на сайце transfermarkt.com (англ.) 
• Статыстыка на сайце footballfacts.ru (руск.) 
• Профіль на сайце by.tribuna.com (руск.) 
• Профіль на сайце soccerway.com (руск.) 
• Статыстыка на сайце Федэрацыі футбола Украіны (укр.) 
• Профіль на сайце teams.by (руск.) 
• Профіль на сайце pressball.by (руск.)