Таццяна Вячаславаўна Кабржыцкая

Таццяна Вячаславаўна Кабржыцкая
Таццяна Вячаславаўна Кабржыцкая
Род дзейнасці	літаратуразнаўца, літаратурная крытык, перакладчыца
Дата нараджэння	15 жніўня 1941 (82 гады)
Месца нараджэння	Кіеў, УССР, СССР;
Грамадзянства	Беларусь;
Бацька	Вячаслаў Апанасавіч Кабржыцкі[d]
Месца працы	Навукова-даследчы інстытут педагогікі Міністэрства асветы БССР[d]; БДУ;
Альма-матар	філалагічны факультэт Львоўскага ўніверсітэта[d] (1964);
Член у	Саюз пісьменнікаў СССР; Нацыянальны саюз пісьменнікаў Украіны[d]; Саюз беларускіх пісьменнікаў;
Узнагароды і прэміі	Прэмія імя Івана Франко[d] (2000)

Таццяна Вячаславаўна Кабржыцкая (нар. 15 жніўня 1941, Кіеў, Украіна) — беларуская літаратуразнаўца, крытык і перакладчыца.

Біяграфія[правіць | правіць зыходнік]

Бацька, Вячаслаў Апанасавіч, быў заслужаным артыстам УССР, прафесарам Львоўскай кансерваторыі. Маці, Клаўдзія Васілеўна, — урач.

У час Вялікай Айчыннай вайны была эвакуіравана ў Алма-Ату. У 1946 годзе сям’я пераехала ў Львоў. Скончыла філалагічны факультэт Львоўскага дзяржаўнага ўніверсітэта (1964). Працавала завучам Вязаўскай сярэдняй школы на Львоўшчыне (1964—1966), рэдактарам выдавецтва Львоўскага ўніверсітэта (1966—1967), вучылася ў аспірантуры пры гэтым універсітэце (1967—1971). У 1971—1980 гадах — навуковы супрацоўнік навукова-даследчага Інстытута педагогікі Міністэрства асветы БССР, з 1980 года — дацэнт кафедры рускай савецкай літаратуры Беларускага дзяржаўнага ўніверсітэта. Кандыдат філалагічных навук. Сябра СП СССР з 1990 года.

Творчасць[правіць | правіць зыходнік]

У друку выступае з рэцэнзіямі і літаратурна-крытычнымі артыкуламі з 1963 г. З В.Рагойшам выдала кнігі «Карані дружбы: Беларуска-ўкраінскія літаратурныя ўзаемасувязі пачатку XX ст.» (1976), «Слядамі знічкі: Пра Сяргея Палуяна» (1990) і падрыхтавала да публікацыі кнігу С.Палуяна «Лісты ў будучыню» (1989).

На украінскую мову пераклала творы М.Багдановіча, У.Караткевіча, асобным выданнем выйшлі аповесці В.Быкава «У тумане», «Аблава», раман «Мёртвым не баліць» (Кіеў, 1990). З украінскай мовы пераклала кнігу для настаўнікаў Д. Тхаржэўскага і У. Гекта «Праблемнае навучанне…» (1986).

Узнагароды[правіць | правіць зыходнік]

Лаўрэат літаратурнай прэміі імя І. Франко^[uk] (Украіна), узнагароджана ордэнам Святой княгіні Вольгі 3-й ступені (Украіна).

Літаратура[правіць | правіць зыходнік]

Беларускія пісьменнікі : біябібліягр. слоўн. Т. 3. — Мн., 1994. — С. 32-33.