Трдзельнік

З пляцоўкі Вікіпедыя
Перайсці да: рух, знайсці
Трдзельнік на кірмашы ў Левачы
Выпяканне трдзельнікаў

Трдзе́льнік (славацк.: Trdelník) або скаліцкі трдзельнік (славацк.: Skalický trdelník) — традыцыйная славацкая страва, салодкая выпечка, якая паходзіць з рэгіёна Загор'е. Вырабляецца з абкручанага вакол кія цеста, пасмажанага на грылі і пасыпанага цукрам, змяшаным з арэхамі і карыцай.

Славацкі трдзельнік — першая славацкая страва, якая атрымала абаронены геаграфічны статус(англ.) бел. Еўрасаюза. Такую назву могуць мець толькі трдзельнікі, вырабленыя на тэрыторыі раёнаў Скаліца і Сеніца, абмежаваным рэкамі Морава, Цепліца і Міява і мяжой з Чэхіяй.

Гісторыя[правіць | правіць зыходнік]

Прыгатаванне трдзельніка ў раёне Скаліцы вядомае ўжо з пачатку XIX стагоддзя. Граф Ёжэф Гвадані(венг.) бел., адстаўны венгерскі генерал, які быў паэтам і філосафам, жыў у Скаліцы ў канцы XVIII стагоддзя. З сабой ён прывёз рэцэпт трдзельніка з Сяміграддзя і значна яго змяніў. Яго страва стала вядомая пад назвай скаліцкі трдзельнік.

Сучаснасць[правіць | правіць зыходнік]

У цяперашні час трдзельнік — вельмі папулярная салодкая выпечка па ўсёй Славакіі, а таксама ў Чэхіі. Карыстаецца папулярнасцю падчас кірмашоў і фестаў. Прадаецца таксама ў Венгрыі і ў іншых рэгіёнах пражывання этнічных венграў (напрыклад, у Ваяводзіне).

Гл. таксама[правіць | правіць зыходнік]

Спасылкі[правіць | правіць зыходнік]