Уладзіслаў Блін

З пляцоўкі Вікіпедыя
Jump to navigation Jump to search
Уладзіслаў Блін
Władysław Blin
Уладзіслаў Блін
Біскуп-эмерыт Віцебскай дыяцэзіі
13 кастрычніка 1999 — 23 лютага 2013
Царква: Каталіцкая царква
Пераемнік: Алег Буткевіч

Прафесія: ксёндз
Нараджэнне: 31 мая 1954(1954-05-31) (65 гадоў)
Прыняцце свяшчэннага сану: 25 мая 1980
Епіскапская хіратонія: 20 лістапада 1999

Уладзіслаў Блін (31 мая 1954) — каталіцкі біскуп Віцебскі.

Нарадзіўся ў Свідвіне Кашалінскага ваяводства ў Польшчы (бацькі яго родам з Беларусі). Скончыў Вышэйшую духоўную семінарыю(польск.) бел. ва Улацлаўку і 25 мая 1980 атрымаў святарскае пасвячэнне. Вучыўся ў Люблінскім каталіцкім універсітэце і Акадэміі каталіцкай тэалогіі ў Варшаве.

Высвячаны на святара 25 мая 1980. У 1989 вярнуўся ў Беларусь, быў пробашчам кафедральнага сабора ў Магілёве, дзе ў 1992 г. заснаваў Міжнародны экуменічны фестываль «Магутны Божа». У 1998 атрымаў ступень доктара тэалогіі. 13 кастрычніка 1999 Папа Ян Павел II прызначыў Уладзіслава Бліна біскупам навастворанай Віцебскай дыяцэзіі. 20 лістапада таго ж года Уладзіслаў Блін быў пасвечаны на біскупа.

14 чэрвеня 2006 абраны Намеснікам Старшыні Канферэнцыі Каталіцкіх Біскупаў у Беларусі. Старшыня Экуменічнай камісіі, а таксама Камісіі агульнага душпастырства епіскапату Беларусі.

25 лютага 2013 Папа Бенедыкт XVI прыняў прашэнне біскупа Уладзіслава Бліна аб адстаўцы з кіравання Віцебскай дыяцэзіяй.

Зноскі

Спасылкі[правіць | правіць зыходнік]