Уолес Стывенс

Уолес Стывенс
Асабістыя звесткі
Дата нараджэння	2 кастрычніка 1879(1879-10-02)[…]
Месца нараджэння	Рэдынг, акруга Беркс[d], Пенсільванія, ЗША
Дата смерці	2 жніўня 1955(1955-08-02)[…] (75 гадоў)
Месца смерці	Хартфард, Хартфард[d], Канектыкут, ЗША
Пахаванне	Cedar Hill Cemetery[d]
Грамадзянства	ЗША
Альма-матар	New York Law School[d] Гарвардскі ўніверсітэт
Прафесійная дзейнасць
Род дзейнасці	паэт, журналіст, пісьменнік, драматург, паэт-адвакат, адвакат
Гады творчасці	1914 — цяп. час
Мова твораў	англійская
Грамадская дзейнасць
Партыя	Рэспубліканская партыя ЗША
Член у	Амерыканская акадэмія мастацтваў і літаратуры[d]
Узнагароды	Bollingen Prize[d] (1949) Pulitzer Prize for Poetry[d] Нацыянальная кніжная прэмія[d] Нацыянальная кніжная прэмія за лепшы паэтычны твор[d] (1955)
Подпіс
Выявы на Вікісховішчы

Уолес Стывенс (англ.: Wallace Stevens; 3 кастрычніка 1879, Рэдынг, Пенсільванія — 2 жніўня 1955) — амерыканскі паэт нямецка-нідэрландскага паходжання.

Біяграфія

У 1897—1900 гг. вучыўся ў Гарвардскім універсітэце, але дыплому не атрымаў, у 1903 годзе скончыў Нью-Ёркскую вышэйшую школу права. Працаваў журналістам у New York Herald Times, потым займаўся адвакацкай практыкай. У канцы 1890-х гг. пачаў працаваць у страхавой кампаніі. У 1909 годзе ажаніўся з Элсі Віёлай Кейчэл (1886—1963). У 1916 годзе пераехаў у Хартфард, штат Канектыкут.

Вядомасць да Стывенса прыйшла ў сярэдзіне 1910-х гадоў, калі вялікую падборку яго вершаў апублікаваў чыкагскі часопіс Poetry. На той час паэту было 35 гадоў, а яго першы паэтычны зборнік «Фісгармонія» (Harmonium) выйшаў у 1923 годзе. Цягам наступных трыццаці гадоў Стывенс выдаў зборнікі «Ідэі парадку» (Ideas of Order, 1936), «Мужчына з блакітнай гітарай» (The Man with the Blue Guitar, 1937), «Часткі свету» (Parts of a World, 1942), «Нататкі адносна найвышэйшай формы вымыслу» (Notes toward a Supreme Fiction, 1942), «Набліжэнне да лета» (Transport to Summer, 1947), «Збор вершаў» (Collected Poems, 1954), зборнік эсэ «Неабходны анёл» (The Necessary Angel, 1951), куды ўвайшлі крытычныя артыкулы Стывенса. У 1957 годзе выйшаў зборнік «Пасмяротнае» (Opus Posthumous), а ў 1972 — зборнік «Пальма на ўскрайку свядомасці» (The Palm at the End of the Mind). Лісты Стывенса былі падрыхтаваныя і выдадзеныя ў 1966 годзе яго дачкой Холі.

Двойчы лаўрэат Нацыянальнай кніжнай прэміі і Пулітцэраўскай прэміі (1955).

Зноскі

На гэты артыкул не спасылаюцца іншыя артыкулы Вікіпедыі, калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.