Франкафонскія гульні

З пляцоўкі Вікіпедыя
Jump to navigation Jump to search
Эмблема гульняў

Франкафонскія гульні (фр.: Jeux de la Francophonie) — міжнарожныя спаборніцтвы, якія праходзяць з 1989 года пры ўдзеле краін — членаў арганізацыі «Франкафонія» (у тым ліку дзяржаў-назіральнікаў)[1].

Агульная інфармацыя[правіць | правіць зыходнік]

Пастанова аб правядзенні Франкафонскіх гульняў была прынята ў 1987 годзе на саміце краін Франкафоніі ў Квебеку (Канада)[1]. Гульні праходзяць раз у чатыры гады, у год, які ідзе за алімпійскім, і ўключаюць, падобна Алімпійскім гульням старажытнасці, як спартыўныя спаборніцтвы, так і спаборніцтвы ў розных відах мастацтва. Месцам правядзення кожных другіх Франкафонскіх гульняў, згодна з першапачатковай задумай, абіраецца краіна, якая не ўваходзіць у лік развітых[2]. Акрамя таго, звычайна чаргуюцца паўночныя і паўднёвыя краіны. Парадак быў парушаны ў ходзе падрыхтоўкі да IX Франкафонскіх гульняў, калі канадская правінцыя Нью-Брансуік, якая павінна была іх праводзіць, адмовілася ад гэтага права. Пасля таго, як у сваю чаргу адмовіліся Шэрбрук (Канада) і Нант (Францыя), правядзенне ўзяла на сябе Дэмакратычная Рэспубліка Конга[3]. Узрост удзельнікаў гульняў абмежаваны дыяпазонам ад 18 да 35 гадоў[1]. У выпадку краін, дзе па-французску размаўляе толькі частка насельніцтва (у тым ліку Бельгія і Канада), да ўдзелу ў гульнях дапускаюцца толькі прадстаўнікі гэтай катэгорыі насельніцтва[4].

Храналогія[правіць | правіць зыходнік]

Гульні Год Месца правядзення Дэлегацый Удзельнікаў
I 1989 Маўрытанія Касабланка/Рабат 38 1700
II 1994 Францыя Парыж 45 2700
III 1997 Мадагаскар Антананарыву 30 2300
IV 2001 Канада Атава/Хал 51 2400
V 2005 Нігер Ніямей 44 2500
VI 2009 Ліван Бейрут 40 2500
VII 2013 Францыя Ніца 54 3200
VIII 2017 Кот-д’Івуар Абіджан 53 4000
IX 2021 Дэмакратычная Рэспубліка Конга Кіншаса

Мэты, праграма, удзельнікі[правіць | правіць зыходнік]

Гульні спрыяюць культурнай разнастайнасці, дасканаласці і салідарнасці, з’яўляючыся часткай арыгінальнай і ўнікальнай канцэпцыі, якая аб’ядноўвае франкамоўную моладзь, якая займаецца мастацтвам і спортам. Мэта гульняў — пашыраць у франкамоўных краінах веданне французскай мовы, адкрываць таленты ў мастацтве і спорце, спрыяць умацаванню міжнародных сувязяў[5].

Гэта адзіныя буйныя міжнародныя гульні, у якіх прадстаўлены як культурныя, так і спартыўныя падзеі. Гульні прапануюць выключную магчымасць прадэманстраваць шырыню і арыгінальнасць французскай культуры, а таксама спартыўныя і артыстычныя таленты ў франкамоўных краінах па ўсяму свету. Франкафонскія гульні арганізуе Міжнародны камітэт Гульняў франкамоўных краін (CIJF) і Камітэт краіны-арганізатара (CNJF) пад эгідай OIF[6].

Гульні ўключаюць як спартыўныя спаборніцтвы, так і культурныя мерапрыемствы па наступным дысцыплінам: песня; вусныя гісторыі і апавяданні; творчы танец; жангляванне мячом; хіп-хоп (танец); гіганцкія лялькі; літаратура (новыя творы); жывапіс і скульптура/інсталяцыя; фатаграфіі і лічбавая творчасць.

Зноскі

  1. 1,0 1,1 1,2 About the Games of La Francophonie(англ.) . Canada.ca.
  2. André Munro. Organisation Internationale de la Francophonie
  3. Isidore Kwansja Ngembo RDC: l’organisation des Jeux de la Francophonie bat de l’aile(фр.) . La Presse (16 лютага 2020).
  4. The French-speaking World: Francophone games(англ.) . BBC. Праверана 28 лютага 2021.
  5. Les Jeux de la Francophonie(фр.) . FFTNL.
  6. Quelques mots sur les Jeux de la Francophonie(фр.) . Le gouvernement du Nouveau-Brunswick.

Спасылкі[правіць | правіць зыходнік]