Шэрбрук

Населены пункт
Шэрбрук
Герб
45°24′ пн. ш. 71°54′ з. д.
Краіна	Канада
Кіраўнік	Marie-Claude Bibeau[d]
Гісторыя і геаграфія
Заснаваны	1793
Водныя аб’екты	rivière Saint-François[d] і rivière Magog[d]
Часавы пояс	EDT[d], UTC-5 і UTC-4
Насельніцтва
Насельніцтва	▲175 114 чал. (1 ліпеня 2022)
Лічбавыя ідэнтыфікатары
Тэлефонны код	819, 873
ville.sherbrooke.qc.ca (фр.) ville.sherbrooke.qc.ca/… (англ.)
Паказаць/схаваць карты
Шэрбрук
Медыяфайлы на Вікісховішчы

Шэрбрук (фр. Sherbrooke) — чацвёрты па велічыні горад у правінцыі Квебек у Канадзе, сталіца адміністрацыйна-тэрытарыяльнай адзінкі Эстры ў гісторыка-культурным рэгіёне Усходнія Кантоны. Насельніцтва горада складае 150 тысяч жыхароў (2007). Горад размешчаны за 150 км на ўсход ад Манрэаля і за 50 км на поўнач ад мяжы з ЗША.

Горад названы ў гонар Джона Коўпа Шэрбрука — генерал-губернатара Канады ў пачатку XIX ст.

Гісторыя

Тэрыторыя Эстры і Шэрбрука доўгі час была заселеная індзейскімі плямёнамі іракезаў і алганкінаў. У ходзе французскай каланізацыі Канады XVII—XVIII стагоддзяў, даліны рэк Святога Лаўрэнція і яго прытокаў, у прыватнасці ракі Святога Францыска, увайшлі ў склад французскіх каланіяльных уладанняў, якія атрымалі назву Новая Францыя. Нягледзячы на сваю тэрытарыяльную прыналежнасць, рэгіён, які пасля стаў Усходнімі Кантонамі, не быў заселены французскімі каланістамі і заставаўся пакрытым лясамі, у якіх вандравалі нешматлікія індзейскія плямёны.

Брытанская акупацыя, якая змяніла французскі рэжым у 1760-х гадах, у першыя дзесяцігоддзі ніяк не адбілася на жыцці рэгіёну — ён працягваў заставацца незасвоеным і бязлюдным, хоць не так далёка — у даліне ракі Святога Лаўрэнція, працягвалі захоўвацца ачагі франкаканадскага гаспадарання, якія засталіся на месцы былых сеньёраў-надзелаў мясцовай знаці. Сітуацыя змянілася толькі пасля амерыканскай Вайны за незалежнасць, што завяршылася ў 1783 годзе, пасля чаго групы прабрытанскі настроеных лаялістаў вырашылі перасяліцца на тэрыторыю Канады, па-ранейшаму падкантрольную рэжыму.

Брытанскі ўрад усяляк заахвочваў англамоўных перасяленцаў, у тым ліку з самой Вялікабрытаніі, з мэтай заваяваць і канчаткова асіміляваць франкаканадцаў.

Эканоміка

Шэрбрук з’яўляецца буйным чыгуначным вузлом. Таксама гэта некалі быў буйны цэнтр тэкстыльнай і трыкатажнай прамысловасці. Вытворчасць чыгуначнага рухомага складу, абсталявання для горназдабыўной і цэлюлёзна-папяровай прамысловасці. У 2007 годзе канадскі часопіс Canadian Business Magazine паставіў Шэрбрук на першае месца сярод гарадоў Канады са спрыяльнымі ўмовамі вядзення бізнесу.

Адукацыя

У горадзе размешчаны франкафонны Шэрбрукскі ўніверсітэт, і з моманту зліцця з Ленаксвілем у 2002 годзе — англамоўны Біскупскі ўніверсітэт.

Насельніцтва

Год Колькасць 1825 183 1831 391 1842 618 1844 600 1852 2 606 1861 2 964 1871 4 432 1876 7 097 1881 7 446 1886 8 330 Год Колькасць 1891 10 110 1896 9 746 1901 11 452 1906 13 950 1911 16 728 1916 20 470 1921 23 522 1926 25 021 1931 28 777 1936 30 908 Год Колькасць 1941 34 904 1946 42 049 1951 53 197 1956 60 075 1961 64 407 1966 74 126 1971 80 422 1976 86 231 1981 73 900 1986 72 000 Год Колькасць 1991 77 618 1996 79 432 2001 77 129 2006 147 427 2011 154 601 2016 161 323 2019 169 136 2020 170 816 2021 172 950 2022 175 114

Гарады-пабрацімы

•  Манпелье, Францыя

Спасылкі

• На Вікісховішчы ёсць медыяфайлы па тэме Шэрбрук
• Афіцыйны сайт Архівавана 28 сакавіка 2012.