Хмеляграб

Хмеляграб
Хмялеграб звычайны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Букакветныя Сямейства:  Бярозавыя Падсямейства:  Ляшчынавыя Род:  Хмеляграб
Міжнародная навуковая назва
Ostrya Scop., 1760
Тыпавы від
Ostrya carpinifolia Scop. — Хмеляграб звычайны
Сістэматыка на Віківідах Выявы на Вікісховішчы ITIS   19508 NCBI   13621 EOL   107847 GRIN   g:8643 IPNI   331819-2 FW   157332

Хмелягра́б (Ostrya) — род лістападных дрэў падсямейства ляшчынавых.

Апісанне

Невысокія аднадомныя дрэвы з густой шарападобнай кронай. Кара ствала з падоўжанымі трэшчынамі, парасткі бурыя, з апушэннем у маладым узросце. Лісце чаргаванае, па краі двойчы няроўнапілаватае. Тычынкавыя кветкі без калякветніка, па адной на восі доўгага цыліндрычнага каташка, песцікавыя — з калякветнікам, па дзве ў рэдукаваных дыхазіях, сабраных у шчыльныя кароткія катахападобныя суквецці. Шышкападобныя жаночыя каташкі хмеляграба падобныя на жаночыя суквецці хмеля (адсюль назва). Плод — аднанасенны арэшак.

Пашырэнне

Пашыраны на Каўказе, у Малой Азіі, Паўночнай Амерыцы, Японіі.

Згодна дадзеным Каралеўскіх батанічных садоў К’ю род налічвае 9 відаў: У Цэнтральным батанічным садзе Нацыянальнай акадэміі навук Беларусі інтрадукаваны хмеляграб звычайны і хмеляграб віргінскі. Цвітуць у маі, пладаноясць у жніўні-верасні.

Асаблівасці біялогіі

Размнажаюцца насеннем. Растуць марудна. Непатрабавальныя да глеб, адносна зімаўстойлівыя расліны.

Выкарыстанне

Дэкаратыўныя расліны, вырошчваюцца ў адзіночных і групавых пасадках.

Літаратура

• Бабарэка Я. Хмеляграб // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1986. — 583 с., іл. — 10 000 экз.

На гэты артыкул не спасылаюцца іншыя артыкулы Вікіпедыі, калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.