Царква Святога Дзмітрыя Салунскага (Лелікава)

З пляцоўкі Вікіпедыя
Jump to navigation Jump to search
Праваслаўны храм
Царква Святога Дзмітрыя Салунскага
Царква ў чэрвені 2013 года
Царква ў чэрвені 2013 года
51°55′25,15″ пн. ш. 24°41′09,58″ у. д.HGЯO
Краіна Беларусь
Вёска Лелікава
Канфесія Беларуская праваслаўная царква
Епархія Брэсцкая і Кобрынская
Благачынне Кобрынскае
Архітэктурны стыль традыцыйнае беларускае дойлідства
Дата пабудовы ХVIII ст.
Статус Ахоўная шыльда гісторыка-культурнай каштоўнасці Рэспублікі Беларусь. Гісторыка-культурная каштоўнасць Беларусі, шыфр 112Г000439шыфр 112Г000439
Стан пашкоджана

Царква́ Свято́га Дзмі́трыя Салу́нскага — праваслаўны храм у вёсцы Лелікава Кобрынскага раёна Брэсцкай вобласці, помнік традыцыйнага палескага дойлідства XVIII стагоддзя.

Гісторыя[правіць | правіць зыходнік]

Знаходзіцца на ўсходняй ускраіне вёскі. Пабудавана ў ХVIII ст. з дрэва[1]. У XIX ст. перад царквой пастаўлена двух'ярусная (васьмярык на чацверыку) шатровая званіца з макаўкай.

10 сакавіка 2019 года ў храме адбыўся пажар[2][3][4]: па прыбыцці на месца здарэння пажарнікі выявілі, што з-пад даху ішоў дым, дзверы былі адчыненыя, унутры адбывалася гарэнне. Святар, які знаходзіўся на вуліцы, распавёў, што ён прыбыў да храма пасля званка мясцовых жыхароў, трапіць унутр яму перашкодзіў дым і высокая тэмпература. Агнём знішчаны дах плошчай 75 кв.м., пашкоджаны сцены і маёмасць. Абышлося без пацярпелых[5].

Архітэктура[правіць | правіць зыходнік]

Званіца

Помнік народнага дойлідства. Мае падоўжна-восевую аб'ёмна-прасторавую кампазіцыю, сфарміраваную прамавугольным зрубам з трохсценнай апсідай, да якой асіметрычна далучаецца рызніца. Зруб накрыты вальмавым дахам, вільчык якога па цэнтры прарэзаны васьмігранным барабанам з цыбулепадобным купалам і па ўскрайках адзначаны крыжамі. Да галоўнага фасада дабудаваны ніжэйшы працяглы, але больш нізкі прытвор пад двухсхільным дахам. Гарызантальна ашаляваныя бакавыя фасады рытмічна прарэзаны прамавугольнымі аконнымі праёмамі і расчлянёны брусамі-сцяжкамі ў прасценках[6].

Інтэр'ер

Даўжыня царквы — 19 м., шырыня — 5 м., вышыня — 6 м. Дах — металічны на драўляным лачанні. Пабудова электрыфікавана[7].

Зноскі

Літаратура[правіць | правіць зыходнік]

  • Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі[правіць | правіць зыходнік]