Цюрыхскі ўніверсітэт мастацтваў

Цюрыхскі ўніверсітэт мастацтваў
ням.: Zürcher Hochschule der Künste
Арыгінальная назва	ням.: Zürcher Hochschule der Künste
Заснаваны	1878
Год рэарганізацыі	2007
Студэнты	2 186
Краіна	Швейцарыя
Размяшчэнне	Цюрых
Сайт	zhdk.ch
Медыяфайлы на Вікісховішчы

Цюрыхскі ўніверсітэт мастацтваў (ням.: Zürcher Hochschule der Künste) — швейцарская дзяржаўная вышэйшая навучальная ўстанова з сядзібай у горадзе Цюрых. З’яўляецца часткай аднайменнай групы ВНУ.

Агульная характарыстыка

Установа налічвае каля 2500 студэнтаў, што робіць яе найбуйнейшай ВНУ ў галіне мастацтваў у Швейцарыі. Універсітэт быў створаны ў 2007 годзе пасля аб’яднання Школы мастацтваў і дызайну і Школы музыкі, драмы і танца.

ВНУ прапануе праграмы для будучых бакалаўраў і магістраў, праграмы дадатковай адукацыі ў галіне мастацтва, дызайну, музыкі, мастацкай адукацыі, тэатра, кіно, танцаў, междысцыплінарных даследаванняў, а таксама праграмы для атрымання ступені доктара філасофіі ў супрацоўніцтве з рознымі замежнымі ўніверсітэтамі.

У склад установы ўваходзяць таксама музей дызайну, тэатр мастацтваў, музычны клуб і медыя-інфармацыйны цэнтр.

Спасылкі

• На Вікісховішчы ёсць медыяфайлы па тэме Цюрыхскі ўніверсітэт мастацтваў
• Афіцыйная інтэрнэт-старонка ўстановы