Чарнагорская Праваслаўная Царква
| Чарнагорская праваслаўная царква | |
|---|---|
| Црногорска православна црква | |
| Асноўная інфармацыя | |
| Прадстаяцель у наш час | Міхаіл (Дзедзеіч) |
| Цэнтр | Цэтынэ |
| Юрысдыкцыя (тэрыторыя) | Чарнагорыя |
| Мова набажэнстваў | Чарнагорская мова |
| Каляндар | юліянскі |
| Колькасць | |
| Вернікаў | 50 000 |
| Сайт | http://cpc.org.me/ |
Чарнагорская праваслаўная царква (чарнаг.: Црногорска православна црква) — некананічная праваслаўная юрысдыкцыя ў Чарнагорыі, у асноўным на кананічнай тэрыторыі Сербскай праваслаўнай царквы.
Гісторыя
[правіць | правіць зыходнік]Узнікла ў 1993 годзе, калі сход прыхільнікаў аўтакефаліі абраў у Цеціне мітрапалітам новай юрысдыкцыі Антонія Абрамовіча. Пасля яго смерці ў 1996 годзе новым старшынёй абраны Міраш Дзедзіч, які быў узведзены ў епіскапа патрыярхам альтэрнатыўнага Сіноду Балгарскай Царквы Піменам. ЧПЦ не прызнаецца ніводнай кананічнай праваслаўнай царквой. У 2007 годзе аўтакефалісты паспрабавалі захапіць адзін з храмаў і Цецінскі манастыр Сербскай праваслаўнай царквы.
На 2008 год ЧПЦ мела 6 прыходаў у Чарнагорыі, некалькі прыходаў у Аргенціне і Аўстраліі. Знаходзілася ў еўхарыстычных зносінах з балгарскімі альтэрнатыўшчыкамі і Кіеўскім патрыярхатам Міхаіла Дзенісенка, але пасля прыняцця ў свой склад двух забароненых свяшчэннікаў з Італьянскай праваслаўнай царквы — гэтыя зносіны былі перарваныя. У 2007 годзе ў ЧПЦ перайшоў епіскап Сімяон з Сіноду супрацьстаялых, які быў прызначаны экзархам Цэнтральнай Еўропы.
