Чувашскі дзяржаўны тэатр оперы і балета

З пляцоўкі Вікіпедыя
Jump to navigation Jump to search

Чувашскі дзяржаўны тэатр оперы і балета — тэатр, створаны на аснове Чувашскага дзяржаўнага музычнага тэатру.

Будынак тэатра

Гісторыя[правіць | правіць зыходнік]

Тэатр адкрыўся ў 1960 г. чувашскай операй «Шывармань» («Вадзяны млын») Ф. Васільева. Калектыў ўзначаліў Барыс Сямёнавіч Маркаў. Першапачаткова спектаклі іграліся на сцэне Чувашскага музычна-драматычнага тэатру. У 1967 ажыццёўлена этапная пастаноўка оперы «Нарспі» Г. Хірбю, адзначаная Дзяржаўнай прэміяй ЧАССР імя К. Іванова, паказаны першы балетны спектакль — «Жызэль» А. Адана. У 1969 музычная трупа была выдзелена ў самастойны Чувашскi музычны тэатр, ператвораны ў 1993 у Чувашскi дзяржаўны тэатр оперы і балету[1]. На працягу ўсёй сваёй гісторыі трупа тэатру асвойвала творы айчыннай і замежнай класікі.

Услед за «Яўгенам Анегіным» былі пастаўлены оперы «Алека» С. Рахманінава і «Паяцы» Р. Леонкавала, «Севільскі цырульнік» Дж. Расіні і «Мадам Батэрфляй» Дж. Пуччыні, «Рыгалета» і «Травіята», «Трубадур», «Баль-маскарад» Дж. Вэрдзі, «Пікавая дама», «Іаланта» П. Чайкоўскага, «Барыс Гадуноў» М. Мусаргскага, «Князь Ігар» А. Барадзіна і іншыя.

28 чэрвеня 1970 г. нарадзіўся першы нацыянальны чувашскi балет – адбылася прэм’ера балета «Сарпіге» Ф.Васільева. Праз пяць гадоў на сцэне тэатра быў пакінуты іншы балет Ф. Васільева – «Арзюры». У далейшым нацыянальны харэаграфічны рэпертуар папаўняўся балетамі «Цудоўная вышывальшчыца» Хадзяшчага ў пастаноўцы А. Андрэева, «Угаслу» А. Лоцавай ў пастаноўцы Бударына, балетам для дзяцей «Пюрнеске» Галкіна ў пастаноўцы В. Бударына.

У 2007 годзе на грант Прэзідэнта Чувашскай Рэспублікі ажыццёўлена пастаноўка нацыянальнага балета “Святло вячэрняй зары” А. Лоцавай. Рэпертуарнай асновай працы балетнай трупы тэатра быў і застаецца класічны рэпертуар. Асаблівую ролю ва ўмацаванні творчых кантактаў Чувашскага дзяржаўнага тэатра оперы і балету адыгрываюць фестывалі.

Оперная трупа[правіць | правіць зыходнік]

Оперная трупа Тэатра оперы і балета адна з лепшых у рэгіёне. Рэпертуар спевакоў ўключае ў сябе вельмі складаныя творы як класікаў, так і сучасных аўтараў. Многія артысты опернай трупы з’яўляюцца лаўрэатамі усерасійскіх і міжнародных конкурсаў, а таксама спецыяльных праектаў тэатра, вядуць актыўную канцэртную дзейнасць.

Балетная трупа[правіць | правіць зыходнік]

У апошнія гады трупа значна вырасла прафесійна, трупу папаўняюць артысты з Іашкар-Алы, Пецярбурга і іншых гарадоў. Штогадовыя расійскія і замежныя гастролі знаёмяць гледачоў многіх гарадоў і краін з творчасцю чувашскага балета.

Праекты[правіць | правіць зыходнік]

  • З 1991 на сцэне тэатру штогод праводзіцца Міжнародны оперны фестываль імя Максіма Міхайлава
  • З 1997 праводзіцца штогадовы Міжнародны балетны фестываль

Крыніцы[правіць | правіць зыходнік]

Зноскі

Вонкавыя спасылкі[правіць | правіць зыходнік]