Эдвард Іосіфавіч Рудкоўскі

Эдвард Рудкоўскі
Эдвард Іосіфавіч Рудкоўскі
Дата нараджэння	21 сакавіка 1947(1947-03-21) (77 гадоў)
Месца нараджэння	Мягуны, Мягунскі сельсавет, Пастаўскі раён, Маладзечанская вобласць, БССР, СССР
Грамадзянства	Беларусь
Род дзейнасці	навуковец
Месца працы	Віцебскі дзяржаўны ўніверсітэт імя П. М. Машэрава
Навуковая ступень	кандыдат філасофскіх навук
Альма-матар	МДУ (1970) БДУ (1977)
Узнагароды	Ганаровая грамата Савета Міністраў Рэспублікі Беларусь (2003) Выдатнік народнай адукацыі БССР[d] (1982) Грамата Міністэрства адукацыі Рэспублікі Беларусь (1997) Грамата Віцебскага абласнога Савета дэпутатаў[d] (1993, 1998) Ганаровая грамата Віцебскага аблвыканкама[d] (2007)

Эдвард Іосіфавіч Рудкоўскі (нар. 21 сакавіка 1947, в. Мягуны, Пастаўскі раён) — беларускі навуковец, дацэнт, кандыдат філасофскіх навук.

Біяграфія

У 1970 годзе скончыў філасофскі факультэт Маскоўскага дзяржаўнага ўніверсітэта імя М. В. Ламаносава. 1970—1974 гадах — асістэнт, старэйшы выкладчык кафедры філасофіі і навуковага камунізму Віцебскага педагагічнага інстытута імя С. М. Кірава. У 1977 годзе скончыў аспірантуру Беларускага дзяржаўнага ўніверсітэта імя У. І. Леніна.

1977—1981 гадах — дацэнт кафедры філасофіі Віцебскага педагагічнага інстытута імя С. М. Кірава. 1981—1986 гадах — прарэктар па завочным навучанні Віцебскага педагагічнага інстытута імя С. М. Кірава. 1986—1990 гадах — прарэктар па навуковай рабоце Віцебскага педагагічнага інстытута імя С. М. Кірава. 1991—2012 гг. — загадчык кафедры сацыяльна-гуманітарных навук Віцебскага дзяржаўнага ўніверсітэта імя П. М. Машэрава. З 2012 года — дацэнт кафедры сацыяльна-гуманітарных навук Віцебскага дзяржаўнага ўніверсітэта імя П. М. Машэрава.

Навуковая дзейнасць

Мае больш за 100 друкаваных работ навуковага і навукова-метадычнага характару. Сярод іх: «Свабода і адказнасць асобы», навуковыя дапаможнікі «Паліталогія», «Сацыяльная філасофія» і інш.

Узнагароды

• нагрудны знак «Выдатнік народнай адукацыі БССР» (1982);
• нагрудны знак «Выдатнік асветы СССР» (1988);
• Грамата Міністэрства адукацыі Рэспублікі Беларусь (1997);
• Грамата Віцебскага абласнога Савета дэпутатаў (1993; 1998);
• Ганаровая Грамата Савета Міністраў Рэспублікі Беларусь (2003);
• Грамата Віцебскага абласнога выканаўчага камітэта (2007).

Літаратура

• Замковский, А. Любящий мудрость / А. Замковский // Мы і час (Віцебск). — 2007. — 30 чэрв. — С. 2.
• Рудкоўскі Эдуард Іосіфавіч // Памяць: Пастаўскі раён : гісторыка-дакументальныя хронікі гарадоў і раёнаў Беларусі / рэдкал.: Г. К. Кісялёў [і інш.]; уклад.: К. І. Козак, А. І. Кузняцоў; рэд.-склад. Г. К. Кісялёў; мастак Э. Э. Жакевіч. — Мінск : Белта, 2001. — С. 509.
• Рудковский Э. И. // Веснік Віцебскага дзяржаўнага ўніверсітэта. — 2007. — № 2. — С. 141—142.