Эдвін Лэндсір

Эдвін Лэндсір
англ.: Edwin Henry Landseer
Дата нараджэння	7 сакавіка 1802(1802-03-07)[…]
Месца нараджэння	Лондан, Англія, Злучанае каралеўства Вялікабрытаніі і Ірландыі
Дата смерці	1 кастрычніка 1873(1873-10-01)[…] (71 год)
Месца смерці	Лондан, Англія, Злучанае каралеўства Вялікабрытаніі і Ірландыі
Месца пахавання	Сабор Святога Паўла
Грамадзянства	Злучанае каралеўства Вялікабрытаніі і Ірландыі
Бацька	Джон Лэндсір[d]
Маці	Джэйн Потс[d]
Род дзейнасці	мастак, скульптар, архітэктурны чарцёжнік, майстар афорту, дзеяч мастацтваў
Жанр	пейзаж, анімалістыка, анімалістычны жывапіс[d] і партрэт
Вучоба	Каралеўская акадэмія мастацтваў
Мастацкі кірунак	рамантызм
Член у	Каралеўская акадэмія мастацтваў
Узнагароды
Медыяфайлы на Вікісховішчы

Эдвін Генры Лэндсір (Ландсір) (англ.: Edwin Henry Landseer, 7 сакавіка 1802, Лондан — 1 кастрычніка 1873, Лондан) — англійскі мастак і скульптар эпохі рамантызму. Вядомы, у прыватнасці, і як стваральнік бронзавых літых скульптур жывёл (аленяў, львоў). Яму належаць статуі львоў ля падножжа калоны Нельсана на Трафальгарскай плошчы.

Біяграфія

Эдвін Лэндсір быў малодшым сынам гравёра па медзі Джона Лэндсіра; адным з яго братоў быў мастак Чарлз Лэндсір. Навучаўся жывапісу ў свайго бацькі і ў мастака Бенджаміна Р. Хейдана. У 1814 годзе ён упершыню выставіў свае карціны на Летняй выстаўцы ў Каралеўскай акадэміі мастацтваў, а ў 1815 годзе паступіў у школу пры акадэміі. У 1824 годзе Лэндсір упершыню наведаў горную Шатландыю і з таго часу неаднаразова прыязджаў туды на эцюды. Па шатландскіх матывах мастак стварыў цэлы шэраг палотнаў, многія з якіх выстаўлены ў найбуйнейшых музеях Вялікабрытаніі (напрыклад, у Эдынбургскім Нацыянальным музеі Шатландыі).

У 1826 годзе Лэндсір стаў членам-карэспандэнтам Каралеўскай акадэміі мастацтваў, у 1831 годзе — правадзейным яе членам. У 1850 годзе ўзведзены каралевай у рыцарскае званне. У 1866 годзе Эдвін Лэндсір быў абраны прэзідэнтам Каралеўскай акадэміі, аднак адмовіўся ад гэтай пасады.