Эдла

Эдла
Нараджэнне	X стагоддзе
Смерць	1010
Дзеці	Астрыд Олафсдоцір[d] і Эймунд Стары

Эдла, герцагіня вендская (шведск.: Edla, hertiginna av Venden; X—XI стагоддзі) — наложніца славянскага паходжання шведскага караля Олафа Шатконунга, маці шведскага караля Эмунда і нарвежскай каралевы Астрыд Олафсдоцір.

Паводле легенды, Эдла была дачкой заходне-славянскага племяннога правадыра з Паўночнай Германіі. Яе прывезлі ў Швецыю як ваенны трафей каля 1000 года, трохі раней ці адначасова з Эстрыд. Кароль Олаф Шатконунг ажаніўся з Эстрыд, але кахаў Эдлу і ўзяў яе сваёй наложніцай. Яна нарадзіла яму сына Эмунда, дачку Астрыд і, меркавана, дачку Хольмфрыду. Ісландскі гісторык Сноры Стурлусан сведчыць, што яе дзеці выхоўваліся ўдалечыні ад двара з прычыны дрэннага стаўлення да іх каралевы Эстрыд. У тым ліку гэта можа азначаць, што Эдла памерла да таго, як яны выраслі.

Дзеці

• Эмунд Стары, кароль Швецыі
• Астрыд Олафсдоцір, жонка Олафа II, караля Нарвегіі
• Хольмфрыда Олафсдоцір, жонка Свена Хокансана

Літаратура

• Ohlmarks, Åke Alla Sveriges drottningar
• Lindqkvist, Herman Alla Sveriges drottningar
• Lagerqvist, Lars O. Sverige och dess regenter under 1.000 år (Albert Bonniers Förlag AB, 1982) ISBN 91-0-075007-7.