Эсфір Саламонаўна Гурэвіч

Эсфір Саламонаўна Гурэвіч
Дата нараджэння	22 лістапада 1921(1921-11-22) (95 гадоў)
Месца нараджэння	Татарск, Расія
Грамадзянства	СССР  Беларусь  ЗША
Род дзейнасці	літаратуразнавец
Месца працы	Інстытут літаратуры імя Янкі Купалы НАН Беларусі
Альма-матар	Маскоўскі педагагічны дзяржаўны ўніверсітэт[d]

Гурэвіч Эсфір (Эся) Саламонаўна (22 лістапада 1921, Татарск, Смаленскай вобласці) — беларускі літаратуразнавец. Доктар філалагічных навук (1973).

Біяграфія

Нарадзілася ў сям'і патомнага сшывальшчыка. Скончыла філалагічны факультэт Маскоўскага педагагічнага інстытута імя У. І. Леніна (1941), аспірантуру пры Інстытуце літаратуры, мовы і мастацтва АН БССР (1949). Удзельніца Вялікай Айчыннай вайны. З 1950 працавала ў Інстытуце літаратуры АН БССР (у 1952—1957 навуковы сакратар інстытута, з 1957 старэйшы навуковы супрацоўнік). З 1995 г. жыве ў Кліўлендзе (ЗША).

Даследаванні па гісторыі беларускай літаратуры (творчасць Я. Купалы, Я. Маўра, М. Лынькова, В. Віткі, Я. Брыля і інш.), праблемах беларускай дзіцячай літаратуры.

Сачыненні

• «Творчая гісторыя раманаў Мікалая Астроўскага» (1957)
• «Беларуская дзіцячая літаратура (1917—1967)» (1970)
• «Пафас гераічнасці» (1979)
• «Дзіцячая літаратура Беларусі» (1982)

Літаратура

• Беларуская энцыклапедыя. У 18 т. Т. 5. — Мінск, 1997.
• Беларускія пісьменнікі : біябібліяграфічны слоўнік. У 6 т. Т. 2. — Мінск, 1993.
• Беларускія пісьменнікі (1917–1990). — Мінск, 1994.
• Энцыклапедыя літаратуры і мастацтва Беларусі. У 5 т. Т. 2. — Мінск, 1985.

Спасылкі

• Гуревич Эсфирь (Эся Соломоновна)