Этэль Мерман

З пляцоўкі Вікіпедыя
Перайсці да навігацыі Перайсці да пошуку
Этэль Мерман
Ethel Merman
Ethel merman 1967.JPG
Дата нараджэння 16 студзеня 1908(1908-01-16)[1][2][…]
Месца нараджэння
Дата смерці 15 лютага 1984(1984-02-15)[4][1][…] (76 гадоў)
Месца смерці
Грамадзянства ЗША
Муж Эрнест Баргнайн і Robert Six[d]
Адукацыя
Прафесія актрыса, музыка
Кар’ера 19301982
Кірунак поп-музыка
Узнагароды «Залаты Глобус» (1954),
«Тоні» (1951)
IMDb ID 0581062
Commons-logo.svg Этэль Мерман на ВікіСховішчы
Let Me Call You Sweetheart (1932)
Time on My Hands (1932)

Этэль Мерман (англ.: Ethel Merman; 16 студзеня 1908, Нью-Ёрк, ЗША — 15 лютага 1984, Нью-Ёрк, ЗША) — амерыканская актрыса і спявачка, адна з самых знакамітых брадвейскіх выканаўцаў XX стагоддзя.

Біяграфія[правіць | правіць зыходнік]

Этэль Агнес Цымерман нарадзілася ў раёне Асторыя ў Нью-Ёрку 16 студзеня 1908 года ў сям’і бухгальтара Эдварда Цымермана і яго жонкі Агнес Гарднер, якая была школьнай настаўніцай. Сваю кар’еру яна пачала ў якасці спявачкі ў вадэвілях і да канца 1930-х гадоў, дзякуючы свайму магутнаму мецца-сапрана, стала вядучай выканаўцай у брадвейскіх мюзіклах. Яе кінадэбют адбыўся ў 1930 годзе і ў наступныя гады яна з’явілася ў шматлікіх музычных фільмах і камедыях, сярод якіх найбольш вядомымі сталі «Не апранаючыся» (1934), «Рэгтайм Бенд Аляксандра» (1938), «Назавіце мяне мадам» (1953), «Гэта не справа!» (1954), «Гэты вар'яцкі, вар'яцкі, вар'яцкі, вар'яцкі свет» (1963) і «Аэраплан!» (1980). За свой унёсак у кінематограф Мерман была ўганаравана зоркай на галівудскай алея славы.

Сярод брадвейскіх пастановак найбольш вядомымі з яе ўдзелам сталі «Назавіце мяне мадам» у 1951 годзе, за ролю ў якім яна атрымала прэмію «Тоні», і «Цыганка» ў 1959 годзе, дзе Этэль згуляла маці гераіні Джыпсі Розы Лі. Этэль працягвала шмат выступаць на Брадвеі да 1970 года, калі вырашыла пакінуць на зусім тэатральную сцэну. Яе апошняй роляй стала Долі Леві ў мюзікле «Вітаю, Долі!», які першапачаткова быў напісаны спецыяльна для яе.

Мерман чатыры разы была замужам. Разам з другім мужам, Робертам Левітам, яны мелі двух дзяцей. Яе апошнім мужам быў акцёр Эрнест Боргнайн, з якіх яна абралася шлюбам у 1964 годзе і развялася праз месяц. У красавіку 1983 года ў Этэль была дыягнаставана гліябластома і неўзабаве ёй была праведзена аперацыя па выдаленні пухліны. Але праз некалькі месяцаў у яе пачаліся метастазы і 15 лютага 1984 года яна памерла.

Узнагароды[правіць | правіць зыходнік]

  • Тоні (1951) — «Лепшая актрыса ў мюзікле» («Назавіце мяне мадам»)
  • Залаты Глобус (1954) — «Лепшая актрыса ў музычным фільме або камедыі» («Назавіце мяне мадам»)

Зноскі

  1. 1,0 1,1 Ethel Merman // Internet Broadway Database — 2000. Праверана 9 кастрычніка 2017.
  2. 2,0 2,1 Ethel Agnes Zimmermann // Internet Broadway Database — 2000. Праверана 9 кастрычніка 2017.
  3. Ethel Merman // Find a Grave — 1995. Праверана 9 кастрычніка 2017.
  4. Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
  5. (unspecified title) Праверана 4 сакавіка 2021.

Спасылкі[правіць | правіць зыходнік]