Эштан Кутчэр

З Вікіпедыі, свабоднай энцыклапедыі
Эштан Кутчэр
англ.: Ashton Kutcher
Ashton Kutcher - 2023 - P060603-652701 (cropped).jpg
Дата нараджэння 7 лютага 1978(1978-02-07)[1][2][…] (45 гадоў)
Месца нараджэння
Грамадзянства
Бацька Larry M. Kutcher[d][4]
Жонка Міла Куніс
Дзеці Wyatt Kutcher[d] і Dimitri Kutcher[d]
Адукацыя
Прафесія тэлеакцёр, кінаакцёр, фінансіст, комік, мадэль, акцёр, рэстаратар, тэлепрадзюсар, кінапрадзюсар
IMDb ID 0005110
Лагатып Вікісховішча Медыяфайлы на Вікісховішчы

Крыстафер Эштан Кутчэр (англ.: Christopher Ashton Kutcher [ˈkʊtʃər]; нар. 7 лютага 1978[5], Сідар-Рапідс, Аява, ЗША) — амерыканскі акцёр, вядучы, прадзюсар і інвестар.

Біяграфія[правіць | правіць зыходнік]

Кутчэр нарадзіўся ў горадзе Сідар-Рапідс у штаце Аява ў сям’і Лары Кутчэра (супрацоўніка завода па вытворчасці розных прадуктаў «General Mills») і Даян, у дзявоцтве — Фінеган (англ.: Finnegan), якая працавала на кампанію «Procter & Gamble»[6][7][8].

Продкі маці былі ірландцы. Хлопчыка выхоўвалі ў кансерватыўнай сям’і, якая вызнавала каталіцызм[9][10]. У Кутчэра ёсць старэйшая сястра Таўша, а таксама брат-блізнюк Майкл, які перажыў аперацыю па трансплантацыі сэрца яшчэ ў дзяцінстве.

Эштан вучыўся ў школе Washington High у родным горадзе, а затым яго сям’я пераехала ў горад Хомстэд, дзе Кутчэр працягнуў навучанне ў Clear Creek Amana High. Тады ж будучы акцёр прымаў удзел у школьных пастаноўках. Па прызнанні Эштана, стан брата, які пакутуе ад кардыяміяпатыі, вельмі прыгнятала яго:

Я не хацеў вяртацца дахаты, дзе ў кожную хвіліну мог даведацца, што брату зрабілася горш… спрабаваў заняць сябе чым заўгодна, абы ў мяне не было часу на разважанні пра брата.

Пазней акцёр прызнаваўся, што здзяйсняў тады спробы самагубства: у 13 гадоў ён ледзь было не саскочыў з балкона гарадской бальніцы — тады яму перашкодзіў бацька[12]. Калі хлопчыку было 16, яго бацькі развяліся. Калі ён вучыўся ў выпускным класе, Эштан ноччу ўварваўся ў сваю школу, збіраючыся абакрасці яе, але яго арыштавалі акурат на месцы. Яго прысудзілі да 180 гадзін папраўчых работ і 3 гадоў пазбаўлення волі ўмоўна. Па прызнанні Кутчэра, гэтая падзея страсянула яго, калі ён страціў каханую дзяўчыну і ўніверсітэцкую стыпендыю. Не кажучы ўжо пра тыя ганьбаванні, якімі сустрэла сям’ю Кутчэраў іх асяроддзе — знаёмыя і царква.

У жніўні 1996 года, Эштан паступіў у Аяўскі ўніверсітэт, па заканчэнні якога павінен быў стаць інжынерам-біяхімікам. Ён вучыўся старанна — матывацыяй для гэтага служыла жаданне знайсці лекі ад хваробы брата[8]. Юнака выгналі з інтэрната, у якім ён пражываў, за тое, што прычыняў занадта шмат турбот і шуму сваім суседзям[13].

Эштан аднойчы сказаў: «Тады я думаў, што ведаю пра жыццё ўсё, але я нават не меў уяўлення пра тое, што чакае мяне наперадзе. Я адрываўся на вечарынках дні напралёт-прачынаючыся раніцай, я не памятаў, што было мінулай ноччу. Я проста зляцеў з шпулек. Дзіўна, што я ўсё яшчэ жывы» (англ.: I thought I knew everything but I didn't have a clue. I was partying, and I woke up many mornings not knowing what I had done the night before. I played way too hard. I am amazed I am not dead). Кутчэр уступіў у мужчынскую суполку «Delta Chi». Каб зарабіць грошай, Кутчэр падпрацоўваў летам на заводзе «General Mills», а таксама здаваў кроў. Тады ж яго заўважылі ў адным з бараў пад назвай «The Airliner» у Аява-Сіці і прапанавалі прыняць удзел у конкурсе мадэляў «Свежыя твары Аявы» (англ.: Fresh Faces Of Iowa). Заняўшы першае месца ў конкурсе, Эштан кінуў каледж і з’ехаў у Нью-Ёрк на агляд агенцтва талентаў «International Modeling & Talent Association» («IMTA»). Затым ён вярнуўся ў родны горад Сідар-Рапідс, перад канчатковым пераездам у Лос-Анджэлес, дзе ён заняўся акцёрскай кар’ерай.

Асабістае жыццё[правіць | правіць зыходнік]

Адносіны[правіць | правіць зыходнік]

Нейкі час быў у адносінах з Брытані Мёрфі[14].

У 2003 годзе Эштан пачаў сустракацца з актрысай Дэмі Мур — пара ажанілася 24 верасня 2005 года. Розніца ва ўзросце паміж мужам і жонкай 15¼ гадоў. Саюз маладыя замацавалі пад хупай у сценах кабалістычныя цэнтра на прыватнай традыцыйнай яўрэйскай цырымоніі[15][16]. 17 лістапада 2011 года стала вядома, што муж і жонка рассталіся, і Дэмі Мур падала заяву на развод, які адбыўся ў 2013 годзе[17][18].

З 2012 года сустракаўся з актрысай Мілай Куніс[19]. 1 кастрычніка 2014 года ў пары нарадзілася дачка Уаят Ізабель[20][21]. У сакавіку 2015 года Міла Куніс распавяла, што афіцыйна выйшла замуж за Эштана Кутчэра[22]. 15 чэрвеня 2016 года стала вядома, што муж і жонка чакаюць з’яўлення свайго другога дзіцяці.[23] 30 лістапада 2016 нарадзіўся сын Дзімітрый Портвуд Кутчэр.

Погляды, захапленні[правіць | правіць зыходнік]

У кастрычніку 2010 года Эштан Кутчэр і Дэмі Мур у Ізраілі сустрэліся з кіраўніком Цэнтра кабалы — рабінам Егудай Бергам (англ.: Yehuda Berg).

Кутчэр уклаў сродкі ў італьянскі рэстаран Dolce і з’яўляецца яго суўласнікам разам з Дэні Мастэрсанам і Уілмерам Вальдерамай. Акрамя таго, Эштан з’яўляецца ўладальнікам аформленых у японскім стылі рэстаранаў пад назвай Geisha House у Атланце і Лос-Анджэлесе.

Кутчэр з’яўляецца фанатам такіх спартыўных каманд, як Iowa Hawkeyes, Chicago Bears і «Чэлсі»[24].

Па прызнанні самога акцёра, ён прыхільнік дзяржэканомікі, а таксама сацыяльнага лібералізму[25].

17 верасня 2008 года яму прысудзілі ганаровую пасаду асістэнта трэнера футбольнай каманды школы Harvard-Westlake у Лос-Анджэлесе, але з-за здымак у фільме «Бабнік» у 2009 годзе акцёр не змог выканаць ускладзеныя на яго абавязкі[26][27].

Эштан Кутчэр разам з жонкай Мілай Куніс падтрымалі Украіну ў перыяд вайны, якую развязала РФ. Яны сабралі 35 мільёнаў долараў і адправілі іх на дапамогу ўкраінскім уцекачам[28].

Інвестыцыі[правіць | правіць зыходнік]

Удзельнік фонду A-Grade Investments, інвеставаў у наступныя кампаніі: Skype, Airbnb, Spotify, Pinterest, Shazam, Warby Parker, Zenefits, Flipboard, Change.org і Duolingo[29].

Фільмаграфія[правіць | правіць зыходнік]

Год Беларуская назва Арыгінальная назва Роля
1999
 ф Хутка Coming Soon Луі
2000
 ф Толькі ты і я Down to You Джым Морысан
2000
 ф Азартныя гульні Reindeer Games Студэнт
2000
 ф Дзе мая тачка, чувак? Dude, Where’s My Car? Джэс Мантгомеры III
2001 с Часопіс мод Just Shoot Me! Дзін Касідзі
2001
 ф Тэхаскія рэйнджэры Texas Rangers Джордж Дарэм
2002 с Прывязаны да жыцця Grounded for Life дзядзя Скот
2003
 ф Маладыя Just Married Том Лізак
2003
 ф Дачка майго боса My Boss’s Daughter Том Стэнсфілд
2003
 ф Оптам танней Cheaper By The Dozen Хэнк
2004
 ф Эфект матыля The Butterfly Effect Эван Трэборн
2005
 ф Адгадай, хто? Guess Who? Сайман Грын
2005
 ф Больш, чым каханне A Lot Like Love Олівер Марцін
2002—2006 мс Робацып Robot Chicken Блітцэн
1998—2006 с Шоў 70-х That '70s Show Майкл Келса
2006
 ф Бобі Bobby Фішэр
2006
 ф Ратаваннік The Guardian Джэйк Фішэр
2006
 мф Сезон палявання Open Season Эліат
2006
 мф Буг і Эліат: Паўночны булачны прабег Boog and Elliot’s Midnight Bun Run Эліат
2008 с Дзяўчына-настаўнік Miss Guided Бо
2008
 ф Аднойчы ў Вегасе What Happens in Vegas Джэк Фулер
2009
 ф Бабнік Spread Нікі Харпер
2009
 ф Асабістае Personal Effects Уолтэр
2010
 ф Дзень Святога Валянціна Valentine’s Day Рыд Бенет
2010
 ф Кілеры Killers Спенсер Эймс
2011
 ф Больш чым секс No Strings Attached Адам Франклін
2011 с Два з паловай чалавека Two and a Half Men Уолдэн Шміт
2011
 ф Стары Новы год New Year's Eve Рэндзі
2013
 ф Джобс Jobs Стыў Джобс
2014
 ф Эні Annie Сайман
2014—2020 с Ранча Colt Reagan Bennett Кольт Бенет
2017
 дак Кароль The King у ролі самога сябе
2019
 ф Доўгі дом The Long Home Натан Вінер-старэйшы
2022 с Хлопцы The Boys Хірагазм (3 сезон)
2022
 ф Помста Vengeance Квенцін Селерс

Узнагароды[правіць | правіць зыходнік]

Kid’s Choice Awards:

  • 2004: Любімы акцёр за фільмы «Маладыя», «Дачка майго боса» і «Оптам танней» (намінацыя)
  • 2004: Любімы акцёр тэлебачання за шоў «Падстава» і серыял «Шоў 1970-х» (выйграў)
  • 2005: любімы акцёр тэлебачання за шоў «Падстава» і серыял «Шоў 1970-х» (намінацыя)
  • 2007: лепшы голас у мультфільме (намінацыя)

People’s Choice Award:

  • 2010: Любімая інтэрнэт-знакамітасць (выйграў)

Las Vegas Film Critics Society Award:

  • 2000: лепшае выкананне мужчынскай ролі акцёрам-пачаткоўцам у фільме «Дзе мая тачка, чувак?» (намінацыя)

MTV Movie Awards:

  • 2001: роля-прарыў у фільме «Дзе мая тачка, чувак?» (намінацыя)

Teen Choice Awards:

  • 2010: лепшае выкананне мужчынскай ролі ў фільме «Дзень Святога Валянціна» (выйграў)

Акрамя таго, Кутчэр чатыры разы (у 2003, у 2004, у 2005 і ў 2006 гадах) атрымліваў прэмію Teen Choice Awards. У 2006 годзе сумесна з трупай атрымаў узнагароду галівудскага кінафестывалю за фільм «Бобі».

Зноскі

  1. ↑ Person Profile // Internet Movie Database — 1990. Праверана 12 жніўня 2015.
  2. ↑ Ashton Kutcher // Internet Broadway Database — 2000. Праверана 9 кастрычніка 2017.
  3. ↑ Ashton Kutcher // GeneaStar
  4. ↑ Pas L. v. Genealogics — 2003. — ed. size: 683713
  5. ↑ Ashton Kutcher Biography (1978–). FilmReference.com. Архівавана з першакрыніцы 26 верасня 2018. Праверана October 31, 2013.
  6. ↑ Ashton Kutcher Biography. Filmreference.com. Архівавана з першакрыніцы 26 верасня 2018. Праверана 29 кастрычніка 2008.
  7. ↑ DVD Interview: Ashton Kutcher(недаступная спасылка). Movies.ie. Архівавана з першакрыніцы 22 красавіка 20092009-04-22. Праверана 29 кастрычніка 2008.
  8. ↑ а б Interview With Ashton Kutcher — Part 2, America's Intelligence Wire . Праверана 29 кастрычніка 2008.
  9. ↑ «Living The Dream — The Making of Spread» (Commentary with Ashton Kutcher saying; «I’m from the Mid West. I’m from a Catholic family, from a relatively conservative environment.»), Spread on DVD, Katalyst Films, 2009.
  10. ↑ itn(недаступная спасылка). www.itn.co.uk. Архівавана з першакрыніцы 18 студзеня 2010. Праверана 26 снежня 2010.
  11. ↑ USA Weekend(недаступная спасылка — гісторыя ). Profile: Ashton's great balancing act. Праверана September 23, 2006.
  12. ↑ Hollywood.com. Архівавана з першакрыніцы 14 красавіка 2005. Праверана October 6, 2007.
  13. ↑ Meers, Erik (2001). «Dude — He’s a star.» Архівавана 16 лістапада 2022. Papermag.com. Retrieved October 6, 2006.
  14. ↑ Miller, Samantha. Baby, Let's Play Married, People (20 января 2003). Праверана 18 апреля 2011.
  15. ↑ Demi & Ashton: the Real Thing (10 кастрычніка 2005). Праверана 12 кастрычніка 2011.
  16. ↑ Oldenburg, Ann. Changing of the 'Guardian', USA Today (September 27, 2006). Праверана 30 верасня 2006.
  17. ↑ Ashton Kutcher & Demi Moore were separated after six years of marriage. Архівавана з першакрыніцы 18 лістапада 2011. Праверана 18 лістапада 2011.
  18. ↑ Lenta.ru: Из жизни: Деми Мур объявила о разводе с Эштоном Катчером.. Архівавана з першакрыніцы 19 лістапада 2011. Праверана 19 лістапада 2011.
  19. ↑ Ashton Kutcher and Mila Kunis set for a UK wedding? (10 чэрвеня 2013). Архівавана з першакрыніцы 4 ліпеня 2013. Праверана 3 ліпеня 2013.
  20. ↑ http://www.regnum.ru/news/society/1853060.html Архівавана 6 кастрычніка 2014. Голливудские актеры Мила Кунис и Эштон Катчер стали родителями.
  21. ↑ Мила Кунис и Эштон Катчер показали дочку и озвучили её имя (3 кастрычніка 2014). Архівавана з першакрыніцы 4 кастрычніка 2014. Праверана 3 кастрычніка 2014.
  22. ↑ Мила Кунис вышла замуж за Эштона Кутчера (23 сакавіка 2015). Архівавана з першакрыніцы 24 сакавіка 2015. Праверана 23 сакавіка 2015.
  23. ↑ Женский журнал Cosmopolitan - все о моде, красоте и отношениях. Архівавана з першакрыніцы 16 чэрвеня 2016. Праверана 17 чэрвеня 2016.
  24. ↑ Mark Lawford. ''Daily Mail'' report, Dailymail.co.uk (23 ліпеня 2009). Праверана 5 верасня 2010.
  25. ↑ Real Time with Bill Maher. August 14, 2009.
  26. ↑ L.A. Times report on Kutcher(недаступная спасылка). Архівавана з першакрыніцы 23 снежня 2008. Праверана 10 кастрычніка 2009.
  27. ↑ ''L.A. Times'' blogsite Ashton kutcher has a close relationship with his step-daughters . Праверана 5 верасня 2010.
  28. ↑ Собрали $35 млн: Зеленский лично поблагодарил Эштона Кутчера и Милу Кунис за помощь украинцам (руск.). stars.segodnya.ua. Архівавана з першакрыніцы 21 сакавіка 2022.
  29. ↑ Будь как Эштон Катчер: Почему актёр стал своим в Кремниевой долине. Архівавана з першакрыніцы 19 студзеня 2019.
Узята з "https://be.wikipedia.org/w/index.php?title=Эштан_Кутчэр&oldid=4338780"