Юзаф Юдзіцкі
| Юзаф Юдзіцкі Józef Judycki | ||
 Герб уласны «Радван зменены» | ||
| ||
|---|---|---|
| 1776 — 1789 | ||
| Папярэднік: | Антоні Гелгуд | |
| Пераемнік: | Ігнацы Гелгуд | |
| Дзейнасць: | афіцэр | |
| Нараджэнне: | 1719 | |
| Смерць: | 1797 | |
| Род: | Юдзіцкія | |
| Бацька: | Міхал Юдзіцкі | |
| Жонка: | Марыя Агінская Алаіза Радзівіл | |
| Дзеці: | Ян, Станіслаў, Юзаф | |
| Узнагароды: |
 | |
Юзаф Юдзіцкі (1719 — 1797) — дзяржаўны і ваенны дзеяч Вялікага Княства Літоўскага.
Біяграфія[правіць | правіць зыходнік]
Маршалак рэчыцкі з 1767, староста рэчыцкі з 1773, вялікі абозны літоўскі з 1774, вялікі стражнік літоўскі ў 1776—1789; у 1777 маршалак Трыбуналу ВКЛ. Быў таксама старостам стралкоўскім і багінскім. Шмат разоў выбіраўся паслом на соймы.
З 1783 генерал-лейтэнант, камандзір 1-й дывізіі войска ВКЛ, потым шэф 4-га палка булавы польнай. 1 чэрвеня 1792 прызначаны галоўнакамандуючым войскам ВКЛ падчас вайны з Расіяй, але 10 чэрвеня 1792 разбіты расійскімі войскамі пад Мірам і праз тыдзень заменены на пасадзе галоўнакамандуючага Міхалам Забелам. У 1793 служыў у расійскім войску. У 1797 у складзе дэлегацыі Мінскай губерні прысутнічаў на каранацыі Паўла I.
Кавалер ордэна Святога Станіслава (1777)
Сям'я[правіць | правіць зыходнік]
З роду Юдзіцкіх герба ўласнага «Радван зменены», сын Міхала. Быў двойчы жанаты: спачатку з Марыяй, дачкой Марцыяна Міхала Агінскага, а потым з Алаізай, дачкой Альбрэхта Радзівіла. Дзякуючы другому шлюбу атрымаў ад цесця Рэчыцкае староства. Меў сыноў Яна, Станіслава і Юзафа.
Зноскі
Літаратура[правіць | правіць зыходнік]
- Красноў М. Юдзіцкія // Вялікае княства Літоўскае: Энцыклапедыя. У 3 т. Т.2: Кадэцкі корпус — Яцкевіч / Рэдкал.: Г.П. Пашкоў (гал.рэд.) і інш.; Маст. З.Э. Герасімовіч. – Мн.: БелЭн, 2006. – 792 с.: іл. С. 770. ISBN 985-11-0315-2, ISBN 985-11-0378-0 (т. 2)
- Гужалоўскі А. Войска ВКЛ: апошнія старонкі гісторыі // Беларускі гістарычны часопіс № 1-1994. — С. 48-52.
