Марцыян Міхал Агінскі

Марцыян Міхал Агінскі
польск.: Marcjan Michał Ogiński
Герб «Агінскі»
ваявода віцебскі 1730 — 1750
Папярэднік	Казімір Аляксандр Пацей
Пераемнік	Юзаф Антоні Салагуб
кашталян віцебскі 1703 — 1730
Нараджэнне	1672[…] Віцебск, Віцебскае ваяводства, Вялікае Княства Літоўскае, Рэч Паспалітая, Польшча
Смерць	29 кастрычніка 1750(1750-10-29)
Род	Агінскія
Бацька	Шыман Караль Агінскі
Маці	Тэадора з Корсакаў[d]
Жонка	Тэрэза з Бжастоўскіх Тэрэза з Тызенгаўзаў Крысціна з Абрамовічаў Тэкля Ганна з Лярскіх
Дзеці	Тадэвуш Францішак Агінскі, Ігнацы Агінскі, Станіслаў Ежы Агінскі, Францішак Ксаверый Агінскі, Казімір Ігнацы Агінскі[d], Барбара з Агінскіх[d], Ганна з Агінскіх[d], Марцыяна з Агінскіх, Бенядыкта з Агінскіх[d], Станіслава Тэрэза з Агінскіх[d] і Марыя з Агінскіх[d]
Узнагароды

Марцыян Міхал Агінскі (1672 — 1 красавіка, паводле іншых звестак 29 кастрычніка 1750) — дзяржаўны і вайсковы дзеяч Вялікага Княства Літоўскага. Вялікі мечнік літоўскі (1695—1703), кашталян (1703—1730) і ваявода віцебскі (з 1730). Трымаў Барысаўскае, Прывальскае і Вярбоўскае староствы.

Марцыян Міхал Агінскі — патрон-заснавальнік Менскага езуіцкага калегіуму.

Біяграфія

Са старэйшай княскай лініі роду Агінскіх, сын Шымана Караля і Тэадоры з Корсакаў. Стрыечны брат Казіміра Дамініка Агінскага.

У 1718 годзе атрымаў Барысаўскае староства ад удавы Канстанцыі (з роду Падбярэзскіх), двойчы саступаючы яго свайму старэйшаму сыну Ігнацыю Агінскаму, да якога староства канчаткова перайшло ў 1744 годзе.

Удзельнік апазыцыі ў 1720—1730-х гадах, маршалак Генеральнай канфедэрацыі правінцыі ВКЛ. Абапіраўся на стасункі з расійскім дваром.

Пабраўся шлюбам з Тэрэзай Бжастоўскай (1701), з якой меў 5 сыноў і 3 дачок. У другім шлюбе з Тэрэзай Тызенгаўз меў 2 дачок, пасля быў яшчэ двойчы жанаты.

Памёр у 1750 годзе. Даты смерці розняцца ад 1 красавіка да 29 кастрычніка. Пахавальныя ўрачыстасці ў Віцебскім касцёле езуітаў адбыліся 14—17 лютага 1751.

Нашчадкі:

• Тадэвуш Францішак Агінскі (1711—1783)
• Ігнацы Агінскі (каля 1698 — 1775)
• Станіслаў Ежы Агінскі (1710—1748)
• Марцыяна Агінская (1713—1766), пабралася шлюбам у 1723 з валынскім ваяводам Міхалам Патоцкім
• Бенедыкта Агінская (памерла ў 1748), пабралася шлюбам у 1736 з Юзафам Скумінам Тышкевічам

Цікавыя факты

• Першы тэатральны спектакль у Менску — «Трыўмфальная брама» — быў пастаўлены ў гонар Марцыяна Міхала Агінскага.

Літаратура

• Грыцкевіч А. Агінскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 203. — 688 с. — ISBN 985-11-0314-4 (т. 1), ISBN 985-11-0315-2.