Юльян Мархлеўскі

Юльян Мархлеўскі
польск.: Julian Baltazar Marchlewski
Род дзейнасці	палітык, рэдактар
Дата нараджэння	17 мая 1866(1866-05-17)
Месца нараджэння	Улацлавак, Улацлаўскі павет, Варшаўская губерня, Царства Польскае, Расійская імперыя
Дата смерці	22 сакавіка 1925(1925-03-22) (58 гадоў)
Месца смерці	Бальяска, правінцыя Генуя, Лігурыя, Італія
Месца пахавання	Вайсковыя могілкі Павонзкі[d]
Грамадзянства	Расійская імперыя  РСФСР  СССР  Польшча
Жонка	B.G. Marhlevskaâ[d]
Дзеці	Zofia Marchlewska[d]
Альма-матар	Цюрыхскі ўніверсітэт
Партыя	Камуністычная партыя Германіі Сацыял-дэмакратыя Каралеўства Польскага і Літвы КПСС Сацыял-дэмакратычная партыя Германіі
Член у	Таварыства старых бальшавікоў
Аўтограф
Медыяфайлы на Вікісховішчы

Юльян Балтазар Мархле́ўскі (польск.: Julian Marchlewski 17 мая 1866, г. Улацлавак, Польшча — 22 сакавіка 1925) — дзеяч польскага і міжнароднага сацыялістычнага руху, эканаміст, публіцыст.

Біяграфічныя звесткі

Скончыў Цюрыхскі ўніверсітэт (1895). Адзін з заснавальнікаў Саюза польскіх рабочых (1889), Сацыял-дэмакратыі Каралеўства Польскага (1893; з 1900 — Сацыял-дэмакратыя Каралеўства Польскага і Літвы). У 1893—1904 і з 1908 у эміграцыі. У 1-ю сусветную вайну адзін з заснавальнікаў (1916) «саюза Спартака» ў Германіі. 3 1918 у Савецкай Расіі, член ВЦВК. Удзельнічаў у стварэнні Камуністычнага Інтэрнацыянала. У 1920 узначальваў Часовы польскі рэвалюцыйны камітэт у Беластоку. Адзін з заснавальнікаў (1922) і рэктар Камуністычнага ўніверсітэта нацыянальных меншасцей Захаду, першы старшыня ЦК Міжнароднай арганізацыі дапамогі барацьбітам рэвалюцыі (1923). Аўтар прац па гісторыі, эканоміцы, аграрным пытанні: «Фізіякратызм у даўняй Польшчы» (1897), «Польскія буржуазныя праграмы па аграрным пытанні» (1908), «Антысемітызм і рабочыя» (1913) і інш.

Выбраная бібліяграфія

• Pisma wybrane. Т. 1—2. Warszawa, 1952—56.

Літаратура

• Мазоўка Н. Мархлеўскі // Энцыклапедыя гісторыі Беларусі. У 6 т. Т. 6. Кн. 2: Усвея — Яшын; Дадатак / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2003. — 616 с. — 10 000 экз. — ISBN 985-11-0276-8.