Юрый Анатольевіч Шпургалаў

Юрый Анатольевіч Шпургалаў
Дата нараджэння	25 лютага 1953(1953-02-25)
Месца нараджэння	Каменка, Капцёўскі сельсавет, Гродзенскі раён, Гродзенская вобласць, БССР, СССР
Дата смерці	9 студзеня 2016(2016-01-09) (62 гады)
Грамадзянства	Беларусь
Род дзейнасці	радыёфізік
Месца працы	Інстытут прыкладных фізічных праблем імя А. Н. Сеўчанкі Факультэт горнай справы і інжынернай экалогіі БНТУ
Навуковая ступень	доктар тэхнічных навук
Навуковае званне	прафесар
Альма-матар	БДУ

Юрый Анатольевіч Шпургалаў (25 лютага 1953, в. Каменка, Гродзенскі раён, Гродзенская вобласць — 9 студзеня 2016) — беларускі радыёфізік, спецыяліст у галіне камп’ютарнага праектавання сучасных тэхналогій здабычы і абагачэння карысных выкапняў. Доктар тэхнічных навук (2005), дацэнт (2000), прафесар.

Біяграфія

Скончыў Беларускі дзяржаўны ўніверсітэт (спецыяльнасць «Радыёфізіка і электроніка», 1975).

Працаваў у Навукова-даследчым інстытуце прыкладных фізічных праблем (1975—1983, малодшы навуковы супрацоўнік), ААТ «Белгорхімпрам» (1983—2003, малодшы навуковы супрацоўнік), Беларускім нацыянальным тэхнічным універсітэце (з 2003, факультэт горнай справы і інжынернай экалогіі, кафедра «Горныя работы», прафесар).

Навуковыя інтарэсы: камп’ютарнае мадэліраванне прыняцця рашэнняў; аўтаматызаваныя сістэмы праектавання.

Бібліяграфія

Математическое моделирование для обоснования принятия решений в процессах добычи калийных руд : диссертация … доктора технических наук : 05.13.18 : защищена 18.11.2004 : утверждена 21.12.2005 / Шпургалов Юрий Анатольевич. — Минск, 2003.