Юрый Барысавіч Мартаў

Юрый Барысавіч Мартаў
Дата нараджэння	31 жніўня 1944(1944-08-31)
Месца нараджэння	Рослаўль, Рослаўльскі раён, Смаленская вобласць, РСФСР, СССР
Дата смерці	11 мая 2007(2007-05-11) (62 гады)
Грамадзянства	СССР  Беларусь
Маці	Ганна Фларыянаўна Катовіч
Род дзейнасці	навуковец, выкладчык універсітэта
Навуковая сфера	хірургія
Месца працы	Віцебскі дзяржаўны медыцынскі ўніверсітэт
Навуковая ступень	доктар медыцынскіх навук (1987)
Навуковае званне	прафесар (1988)
Альма-матар	Віцебскі медыцынскі інстытут (1967)

Юрый Барысавіч Ма́ртаў (31 жніўня 1944, Рослаўль, Смаленская вобласць, РСФСР — 11 мая 2007) — беларускі вучоны ў галіне хірургіі. Доктар медыцынскіх навук (1987), прафесар (1988).

Біяграфія

Сын беларускага хірурга Ганны Фларыянаўны Катовіч і начальніка Віцебскага гарадскога аддзялення Дзяржбанка Барыса Канстанцінавіча Мартава. Скончыў Віцебскі медыцынскі інстытут у 1967 годзе, працаваў у ім, у 1989—2000 гадах загадчык кафедры агульнай хірургіі. У 2002—2007 гадах намеснік галоўнага ўрача Віцебскай гарадской бальніцы хуткай дапамогі.

Навуковая дзейнасць

Навуковыя інтарэсы: праблемы органазберагальных аперацый на страўніку пры язвавай хваробе, аперацый на грудным аддзеле стрававода пры яго апёках і пухлінах; кардыёхірургічныя ўмяшанні пры парушэннях рытму сэрца. Навуковыя працы па хірургіі органаў брушной і грудной поласцей.

У шлюбе

У шлюбе з Таццянай Уладзіміраўнай Емяльянавай, урачом-інфекцыяністам, меў сына Уладзіміра, урача, і дачку Ірыну (у замужжы Падалінская), фізіятэрапеўта. Унук — Юрый Сяргеевіч Падалінскі — таксама ўрач.

Творы

• Язвенная болезнь глазами хирурга. — Витебск, 1995 (у сааўтарстве);
• Распространенный перитонит. — М., 1998 (у сааўтарстве).

Літаратура

• Ма́ртаў Юрый Барысавіч // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).

Спасылкі

• Мартаў Юрый Барысавіч на сайце анлайн-энцыклапедыі «Беларусь у асобах і падзеях»