Юрый Кепель

Юрый Кепель
Юрый Кепель
Род дзейнасці	вясляр
Дата нараджэння	1910
Месца нараджэння	Бутрыманцы[d], Троцкі павет, Віленская губерня, Расійская імперыя;
Дата смерці	1940
Месца смерці	СССР;
Грамадзянства	Польская Рэспубліка;
Веравызнанне	метадызм[d]
Бацька	Мітрафан Кепель
Дзеці	Ежы Кепель[d]
Месца працы	Крыгалом; Наша воля (1935);
Альма-матар	Універсітэт Стэфана Баторыя; Віленская беларуская гімназія;
	Творы ў Вікікрыніцах

Юрый Кепель (Юры Кэпэль, польск.: Jerzy Kepel; 1910, м. Бутрыманцы^[1], Віленская губерня — 1944) — заходнебеларускі журналіст, польскі вясляр.

Біяграфія

Нарадзіўся ў 1910 годзе ў сям’і заходнебеларускага грамадскага дзеяча Мітрафана Кепеля і яго жонкі Веры. Праваслаўны беларус^[2].

Скончыў Віленскую беларускую гімназію ў 1929 годзе. Вучыўся на юрыдычным факультэце Універсітэта Сцяпана Баторыя, але не скончыў. Апошнім часам далучыўся да сяброў секты метадыстаў, супрацоўнічаў са студэнтамі, які трымаліся ідэй Беларускай Хрысціянскай Дэмакратыі, з групай беларускіх сенатараў, а таксама з групай левых беларускіх студэнтаў^[2].

Рэдактар-выдавец літаратурна-мастацкага часопіса «Крыгалом», які выдаваўся ў лютым 1933 года ў Вільні. Адразу пасля выхаду 1-га нумару выданне было забаронена польскімі ўладамі^[3]. Сябра рэдакцыйнай калегіі «Нашай волі»^[2].

Пасля далучэння Заходняй Беларусі да БССР арыштаваны савецкімі ўладамі^[3]. Прызваны ў армію ў чэрвені 1940 года. Служыў у званні лейтэнанта ў 149 гвардзейскім стралковым палку 49 гвардзейскай стралковай дывізіі^[ru]^[1]. Загінуў у 1944 годзе^[3].

Леанід Галяк, чыім настаўнікам веславання ў Студэнцкім спартовым саюзе быў Кепель, успамінае пра яго^[4]:

Вельмі высокі, прыгожы бляндын. Дасканалы вясьляр на адзінках. Часта займаў першае месца на рэгатах у Вільні, а аднойчы здабыў першае мейсца на спаборніцтвах на Сэне ў Парыжы. Пасьля акупацыі Вільні Саветамі ў 1939 годзе быў арганізатарам службы парадку міліцыі, пакуль Вільня ня была падорана Жамойцам. Ня выехаў зь Вільні. Калі ў 1940 годзе Саветы акупавалі ўсю ковенскую Літву, дык Кэпэль быў арганізатарам спартовага жыцьця. Пасьля пачатку нямецка-савецкае вайны недзе зьнік і хадзілі чуткі, што ён недзе партызаніў. Быў жанаты з Вандаю Бургардт, асыстэнткай на агрыкультурным ф-це УСБ. На ўсе запытаньні ў лістох у Вільню пра яго, ніхто не адказаў, хоць напісалі, што яго бацька Мітрафан Кэпэль памёр.

Сям'я

Меў сына Ежы (Юрыя)^[pl], які стаў польскім эканамістам і банкірам.

Зноскі

↑ ^а ^б Кепель Юрий Митрофанович
↑ ^а ^б ^в Адамковіч Аляксандр. Беларусы ў Літве: учора і сёння. Кніга І — Вільня. — Вільня: Таварыства беларускай культуры ў Літве, 2010. — 200 с.: іл. ISBN 978-9955-578-14-7
↑ ^а ^б ^в Кепель Юрый // Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.
↑ Галяк Леанід. Успаміны. Кніга 1: ЗША, Летапіс, 1982.

Літаратура

Кепель Юрый // Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.
Адамковіч Аляксандр. Беларусы ў Літве: учора і сёння. Кніга І — Вільня. — Вільня: Таварыства беларускай культуры ў Літве, 2010. — 200 с.: іл. ISBN 978-9955-578-14-7

[pamyat-1] а ^б Кепель Юрий Митрофанович

[Адамковіч-2] а ^б ^в Адамковіч Аляксандр. Беларусы ў Літве: учора і сёння. Кніга І — Вільня. — Вільня: Таварыства беларускай культуры ў Літве, 2010. — 200 с.: іл. ISBN 978-9955-578-14-7

[Маракоў-3] а ^б ^в Кепель Юрый // Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.

[4] Галяк Леанід. Успаміны. Кніга 1: ЗША, Летапіс, 1982.

[1]

[2]

[3]

[4]