Янелі
| Янелі | |
|---|---|
| Морфаметрыя | |
| Вышыня над узроўнем мора | 135,8 м |
| Даўжыня | 0,7 км |
| Шырыня | 0,38 км |
| Плошча | 0,2 км² |
| Даўжыня берагавой лініі | 1,91 км |
| Найбольшая глыбіня | 4,2 м |
| Сярэдняя глыбіня | 2,7 м |
| Басейн | |
| Плошча вадазбору | 1,4 км² |
| Упадаюць | ручай |
| Выцякаюць | ручаі |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Янелі |
|
|
|
|
 Янелі |
|
 |
|
Я́нелі — возера ў Браслаўскім раёне Віцебскай вобласці, у басейне ракі Друйка, на поўдзень ад вёскі Войса, за 27 кіламетраў у напрамку на паўночны ўсход ад Браслава.
Плошча паверхні 0,2 км². Даўжыня 0,7 км, найбольшая шырыня 0,38 км. Найбольшая глыбіня 4,2 м, сярэдняя 2,7 м. Даўжыня берагавой лініі 1,91 км. Аб’ём вады ў возеры 0,54 млн м³. Плошча вадазбору 1,4 км².
Катлавіна тэрмакарставага тыпу, лопасцевай формы, выцягнутая з паўночнага захаду на паўднёвы ўсход. Схілы катлавіны вышынёй 15—17 метраў, стромкія, у ніжняй частцы задзернаваныя, у верхняй — разараныя. Берагі нізкія, пясчаныя або затарфаваныя, на паўднёвым усходзе і паўднёвым захадзе месцамі сплавінныя, на поўдні і захадзе ўкрыты хмызняком. На поўдні і паўднёвым захадзе забалочаная пойма шырынёй да 250 метраў. Дно да глыбіні 1—1,5 м выслана пяском і апясчаненым глеем, ніжэй — сапрапелем. Зарастае каля 15 % плошчы возера, шырыня паласы расліннасці 15—25 метраў. На паўночным усходзе упадае ручай, на паўднёвым захадзе выцякаюць 2 ручаі.
Літаратура[правіць | правіць зыходнік]
- Беларуская энцыклапедыя: У 18 т. Т.18 Кн.1: Дадатак: Шчытнікі — ЯЯ / Рэдкал.: Г. П. Пашкоў і інш. — Мн.: БелЭн, 2004. — Т. 18. — С. 270. — 472 с. — 10 000 экз. — ISBN 985-11-0295-4 (Т. 18 Кн. 1).
- Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
- Республика Беларусь. Витебская область. Браславский район: карта. Браслав: план. Видзы: план / Ред. Н. М. Шевель. — Мн.: Белкартография, 2013. — 3 000 экз. (руск.)