Яфім Яўстаф’евіч Сямёнаў

Яфім Яўстаф’евіч Сямёнаў
Яфім Яўстаф’евіч Сямёнаў
Дата нараджэння	26 студзеня 1932 (91 год)
Месца нараджэння	Малая Лая[d], Горнаўральская гарадская акруга[d], Свярдлоўская вобласць, РСФСР, СССР;
Род дзейнасці	педагог
Месца працы	Расійскі дзяржаўны прафесійна-педагагічны ўніверсітэт[d]; Віцебскі дзяржаўны педагагічны інстытут;
Навуковая ступень	кандыдат педагагічных навук (1976)
Навуковае званне	прафесар[d] (1991);
Альма-матар	Расійскі дзяржаўны прафесійна-педагагічны ўніверсітэт[d] (1958);
Узнагароды	Грамата Міністэрства адукацыі Рэспублікі Беларусь (2005) Ганаровая грамата Міністэрства адукацыі Рэспублікі Беларусь (2012)

Яфім Яўстаф’евіч Сямёнаў^[1] (руск.: Ефим Евстафьевич Семёнов; нар. 26 студзеня 1932) — вучоны, матэматык і педагог, кандыдат педагагічных навук (1976), прафесар (1991).

Біяграфія[правіць | правіць зыходнік]

Нарадзіўся ў сяле Малая Лая (Прыгарадны раён, Свярдлоўская вобласць Расіі). У 1958 годзе скончыў Ніжнетагільскі педагагічны інстытут (сучасны Расійскі дзяржаўны прафесійна-педагагічны ўніверсітэт). У 1958—1964 гадах працаваў настаўнікам у пасёлку Старацель і ў Ніжнім Тагіле. У 1958—1980 гадах асістэнт, старшы выкладчык, дацэнт у Ніжнетагільскім педагагічным інстытуце. У 1959—1962 гадах працаваў дырэктарам базавай школы № 8 ў Ніжнім Тагіле. У 1976 годзе скончыў аспірантуру пры Навукова-даследчым інстытуце зместу і метадаў навучання Акадэміі педагагічных навук СССР па спецыяльнасці «Методыка выкладання матэматыкі». З 1980 года Яфім Яўстаф’евіч Сямёнаў у Віцебскім педагагічным інстытуце імя С. М. Кірава (сучасны Віцебскі дзяржаўны ўніверсітэт імя П. М. Машэрава), у 1980—1990 гадах на пасадзе дацэнта кафедры алгебры і методыкі выкладання матэматыкі факультэта матэматыкі і інфармацыйных тэхналогій, з 1990 года — прафесара. Вучонае званне прафесара прысвоена ў 1991 годзе.

Навуковая дзейнасць[правіць | правіць зыходнік]

Навуковая дзейнасць Я. Я. Сямёнава звязаная з пытаннямі методыкі і метадалогіі выкладання матэматыкі, дыялагічнага пазнання матэматыкі ў сярэдняй школе. Аўтар навучальных дапаможнікаў для агульнаадукацыйных школ.

Кіраваў падрыхтоўкай кандыдата педагагічных навук, 12 магістраў і 18 пераможцаў Рэспубліканскага конкурсу навуковых прац студэнтаў ВНУ Беларусі.

Сярод апублікаванага:

Понятие об аксиоматическом методе в геометрии и неевклидовых геометриях: пособие для студентов к метод. семинару по теме «Факультативные занятия в средней школе». — Свердловск, 1973. — 73 с.
Учимся рассуждать и доказывать : книга для учащихся 6-10 классов средней школы / И. Л. Никольская, Е. Е. Семёнов. — Москва : Просвещение, 1989. — 192 с.
Изучаем геометрию: книга для учащихся 7—9-х классов средней школы. — Ташкент: Укитувчи, 1990. — 279 с.
За страницами учебника геометрии: пособие для учащихся 7-9 классов общеобразовательных учреждений. — 2-е изд. перераб. — Москва : Просвещение, 1999. — 286 с.

Узнагароды[правіць | правіць зыходнік]

Ганаровая грамата Міністэрства асветы РСФСР і Рэспубліканскага камітэта прафсаюза работнікаў асветы вышэйшай школы і навуковых устаноў РСФСР (1979).
Дыплом 2-й ступені Усесаюзнага конкурсу на лепшы твор навукова-папулярнай літаратуры (Усесаюзнае таварыства «Веды», Дзяржкамдрук СССР, 1990).
Грамата Міністэрства адукацыі Рэспублікі Беларусь (2005).
Ганаровая грамата Віцебскага дзяржаўнага ўніверсітэта імя П. М. Машэрава (2008).
Ганаровая грамата Міністэрства адукацыі Рэспублікі Беларусь (2012).
Нагрудны знак «Выдатнік адукацыі» (2015).
Ганаровая грамата Урадавай камісіі па справах суайчыннікаў за мяжой (Расія, 2016).

Зноскі

↑ Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15.

Літаратура[правіць | правіць зыходнік]

Сямёнаў Яфім Яўстаф’евіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15). — С. 347.

Спасылкі[правіць | правіць зыходнік]

[БЭ15-1] Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15.

[1]