Яўген Васілевіч Мірановіч

Яўген Васілевіч Мірановіч
польск.: Eugeniusz Mironowicz
Дата нараджэння	2 верасня 1955(1955-09-02) (68 гадоў)
Месца нараджэння	Алексічы, Гміна Заблудаў, Беластоцкі павет, Падляскае ваяводства, Польшча
Грамадзянства	Польшча
Род дзейнасці	выкладчык універсітэта, гісторык, публіцыст
Навуковая сфера	гісторыя, публіцыстыка, social engagement[d] і палітычная дзейнасць[d]
Месца працы	Беластоцкі ўніверсітэт
Навуковая ступень	доктар гістарычных навук, навуковы прафесар[d] (11 лютага 2009), габілітаваны доктар (29 лістапада 2000) і доктарская ступень[d] (6 верасня 1990)
Альма-матар	Варшаўскі ўніверсітэт
Навуковы кіраўнік	Jerzy Tomaszewski[d]
Член у	Беларускае гістарычнае таварыства
Узнагароды
Медыяфайлы на Вікісховішчы

Яўген Васілевіч Мірановіч (2 верасня 1955) — беларускі і польскі гісторык, грамадска-культурны дзеяч.

Біяграфія

Нарадзіўся на Беласточчыне. У 1980 годзе скончыў філіял Варшаўскага ўніверсітэта ў Беластоку (факультэт гуманітарных навук).

Галоўныя кірункі даследаванняў — беларуска-польскія стасункі, беларускі нацыянальны рух у Польшчы, найноўшая гісторыя Польшчы і Беларусі. Доктарскую дысертацыю на тэму «Беларуская нацыянальная меншасць у Народнай Польшчы (1944—1949)» абараніў у 1990 на факультэце журналістыкі і палітычных навук Варшаўскага ўніверсітэта, а габілітацыю «Нацыянальная палітыка Польскай Народнай Рэспублікі» ў 2000 на факультэце гістарычных навук таго ж універсітэта.

Я. Мірановіч — адзін з ініцыятараў стварэння ў 1990 годзе Беларускага дэмакратычнага аб'яднання. З 1992 г. галоўны рэдактар тыднёвіка «Ніва», з 1997 — старшыня яго праграмнай рады.

Яўген Мірановіч — загадчык кафедры беларускай культуры Беластоцкага ўніверсітэта, аўтар шэрагу кніг, навуковых і публіцыстычных артыкулаў. Рэдактар часопіса «Białoruskie Zeszyty Historyczne»

Асноўныя публікацыі

• Навейшая гісторыя Беларусі. — Беласток : Rada Programowa Tygodnika «Niwa», 1999. — 270 с.
• Найноўшая гісторыя Беларусі. — Санкт-Пецярбург : Неўскі прасцяг, 2003. — 243 с.
• Беларусы ў Польшчы (1918―1949): [пераклад з польскай мовы]. — Вільня [Вільнюс] : Інстытут беларусістыкі; Беласток, Беларускае гістарычнае таварыства, 2010. — 191 с.
• Białorusini w Polsce, 1944—1949, Warszawa, 1993.
• Mniejszości narodowe w Polsce, (у суаўтарстве), Warszawa, 1998.
• Polityka narodowościowa PRL, Białystok, 2000.
• Historia Białorusi (X—XX w.), Podręcznik dla liceów ogólnokształcących, Białystok, 2001.

Літаратура

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 463. — 10 000 экз. — ISBN 985-11-0035-8. — ISBN 985-11-0169-9 (т. 10).
• Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1999. — С. 205. — 10 000 экз. — ISBN 985-11-0141-9.