Яўген Сцяпанавіч Рамановіч

Яўген Сцяпанавіч Рамановіч
Паштовая марка Беларусі, прысвечаная 100-годдзю з дня нараджэння Я. С. Рамановіча
Дата нараджэння	21 сакавіка 1905(1905-03-21)
Месца нараджэння	Мінск, Мінскі павет, Мінская губерня, Расійская імперыя
Дата смерці	25 лютага 1979(1979-02-25) (73 гады)
Месца смерці	Мінск, БССР, СССР
Месца пахавання	Паўночныя могілкі
Грамадзянства
Адукацыя	БДУ
Прафесія	драматург, перакладчык, пісьменнік, акцёр
Тэатр	Нацыянальны акадэмічны тэатр імя Янкі Купалы
Член у	Саюз беларускіх пісьменнікаў
Узнагароды
Медыяфайлы на Вікісховішчы

Яўген Сцяпанавіч Рамановіч (21 студзеня 1905, Мінск — 25 лютага 1979, там жа) — беларускі драматург, празаік, перакладчык, тэатральны дзеяч, тэатразнавец. Заслужаны артыст БССР (1944).

Біяграфія

У 1922—1924 навучаўся ў Беларускім дзяржаўным універсітэце. Адначасова з вучобай пачаў працаваць акцёрам (1922—1931) ў Мінскім гарадскім тэатры (пасля 1-й Беларускі тэатр, а цяпер Нацыянальны акадэмічны тэатр імя Янкі Купалы), якому прысвяціў больш за 25 гадоў.

У 1931—1948 г. — загадчык літаратурнай часткі тэатра.

Член Саюза пісьменнікаў Беларусі з 1934 года.

Памёр 25 лютага 1979 года ў Мінску. Пахаваны на Паўночных могілках Мінска.

Драматургія

Я. С. Рамановіч — аўтар п'ес:

• «Кантракт, альбо Усё добра будзе» (1924)
• «Вір» (1926)
• «Крывая аблона» (1929),
• «Наклонная плоскость» (1929)
• «Мост» (1929)
• «Камни на дороге» (1931)
• «Полещуки» (1944)
• «Товарищ Андрей» (1944)

П'есы Раманавіча, прысвечаныя фарміраванню характару ў працэсе сацыялістычнай стваральнай працы, перавыхаванню старой інтэлігенцыі, якая становіцца ў шэрагі будаўнікоў новага жыцця, барацьбе беларускіх партызан супраць фашысцкіх акупантаў, ішлі на сцэнах тэатраў РСФСР і УССР.

Лібрэта

Я. Рамановічу належаць оперныя і балетныя лібрэта:

• опер «У пушчах Палесся» (1939), «Дзяўчына з Палесся» («Алеся») (разам з П. Броўкам, 1953)
• балетаў «Падстаўная нявеста» (1958) і «Мара» (1961).

Займаўся даследаваннямі гісторыі беларускага тэатра.

Выбраная бібліяграфія

Аўтар кніг пра Тэатр імя Янкі Купалы — «Першы тэатр» (1946), пра творчасць Барыса Платонава — «Народны артыст СССР Б. В. Платонаў» (1954), «Людзі і маскі» (1977), артыкулаў пра тэатральнае мастацтва БССР. У 1974 годзе выдаў зборнік успамінаў пра беларускіх пісьменнікаў «Знаёмыя сілуэты».

Пераклаў на беларускую мову п'есы класікаў Максіма Горкага, Льва Талстога, Аляксандра Астроўскага, Канстанціна Транёва, Аляксандра Афінагенава, Аляксандра Карнейчука.

Памяць

• У 2005 г. поштай Беларусі была выпушчаная паштовая картка з арыгінальнай маркай «100 гадоў з дня нараджэння Я. С. Рамановіча».

Спасылкі

• Романович (Рaмановiч) Евгений Степанович (руск.)