1-я Віцебская партызанская брыгада (1-га складу)

1-я Віцебская партызанская брыгада
Гады існавання	1943
Краіна	Беларуская ССР
Падпарадкаванне	Беларускі штаб партызанскага руху
Тып	партызаны
Функцыя	барацьба з нямецкімі акупацыйнымі ўладамі
Колькасць	247 партызан (канец 1943 года)
Дыслакацыя	Віцебскі, Суражскі, Гарадоцкі, Сіроцінскі раёны
Войны	Вялікая Айчынная вайна
Камандзіры
Вядомыя камандзіры	М. Ф. Бірулін

1-я Віцебская партызанская брыгада — партызанская брыгада, створаная ў лютым 1943 года на базе арганізаванага ў лютым 1942 года атрада М. Ф. Біруліна, вылучанага з 1-й Беларускай партызанскай брыгады. Брыгада дзейнічала на акупіраванай тэрыторыі Віцебскага, Суражскага, Гарадоцкага і Сіроцінскага раёнаў. 1 лістапада і 4 снежня 1943 года брыгада (247 партызан, 3 атрады) злучылася з Чырвонай Арміяй.

Склад

У маі 1943 3-і, 5-ы, 6-ы П. З. Патапенкі атрады былі вылучаны з брыгады і ў кастрычніку на іх базе была створана 1-я Віцебская партызанская брыгада (2-га складу). У верасні 1943 года 4-ы атрад быў расфарміраваны. 1 лістапада і 4 снежня 1943 года 1-ы атрад (былы Р. І. Сысоева), створаны ў верасні 1942 года, 2-і, 4-ы другога складу злучыліся з Чырвонай Арміяй.

Камандаванне

Камандзір

• М. Ф. Бірулін

Камісары

• У. А. Хабараў;
• В. Р. Кудзінаў

Начальнікі штаба

• І. А. Крыцкі (загінуў);
• Л. П. Карнееў

Гісторыя

Партызаны праводзілі дыверсіі на камунікацыях, у лютым — сакавіку, чэрвені 1943 года вялі баі супраць карнікаў. У брыгадзе знаходзілася асноўная база РК ЛКСМБ.

Памяць

У 1964 годзе ў вёсцы Лужкі і ў 1968 годзе ў вёсцы Марковічы Віцебскага раёна ў гонар брыгады былі ўстаноўлены мемарыяльныя дошкі.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.